పవన్ కల్యాణ్ అభిమాని కథగా 'సైలెన్స్ ప్లీజ్'.. సైలెంట్ హిట్ గ్యారెంటీ!

బెంగళూరుకు చెందిన పవర్‌స్టార్ పవన్ కళ్యాణ్ వీరాభిమాని జీవితంలో జరిగిన ఓ సంఘటన స్ఫూర్తిగా రూపొందిన నిశ్శబ్ద2 కన్నడలో ఘన విజయం సాధించింది. ఈ చిత్రాన్ని సైలెన్స్ ప్లీజ్ టైటిల్‌తో తెలుగులో విడుదల చేస్తున్నారు. రూపేష్ శెట్టి, ఆరాధ్య శెట్టి హీరో, హీరోయిన్లుగా నటించిన ఈ చిత్రానికి దేవరాజ్ కుమార్ దర్శకత్వం వహించారు. వల్లూరిపల్లి రమేష్ సమర్పణలో భీమవరం టాకీస్ పతాకంపై తుమ్మలపల్లి రామసత్యనారాయణ నిర్మిస్తున్నారు.మార్చి 8న, అంతర్జాతీయ మహిళా దినోత్సవ సందర్భంగా ఈ చిత్రాన్ని విడుదల చేస్తున్నారు.

సినిమా విడుదల సందర్భంగా ఏర్పాటు చేసిన కార్యక్రమంలో నిర్మాత తుమ్మలపల్లి రామసత్యనారాయణ మాట్లాడుతూ.. 'స్క్రీన్ ప్లే ప్రధానంగా సాగే ఈ చిత్రం తెలుగులోనూ ఘన విజయం సాధిస్తుందనే నమ్మకముంది. ఈ సందర్భంగా ఈ చిత్రాన్ని పంపిణీ చేస్తున్న డిస్ట్రిబ్యూటర్స్ కు కృతజ్ఞతలు తెలియజేస్తున్నాను అని అన్నారు.

ప్రతీవారం ఏడెనిమిది సినిమాలకు తక్కువ కాకుండా రిలీజయ్యే ప్రస్తుత తరుణంలో.. ఈ వారం కేవలం రెండు మూడు సినిమాలు మాత్రమే విడుదలవుతుండడం.. వాటిలో 'సైలెన్స్ ప్లీజ్' పెద్ద సినిమా కావడం కూడా కలిసి రానుంది. 'సైలెన్స్ ప్లీజ్' కచ్చితంగా సైలెంట్ హిట్ అవుతుందనే గట్టి నమ్మకం మా అందరిలోనూ ఉంది.. అన్నారు!!