హోమ్

లేటేస్ట్ న్యూస్

ప్రముఖ నిర్మాణ సంస్థ వాల్ట్ డిస్నీ ఫ్రోజెన్ 2 మూవీని అత్యంత ప్రతిష్టాత్మకం రూపొందించింది. ప్రపంచస్థాయి సాంకేతికతతో రూపొందిన యానిమేషన్ చిత్రం ఇంగ్లీష్, హిందీ, తమిళ, తెలుగు భాషల్లో నవంబర్ 22వ తేదీన ప్రపంచవ్యాప్తంగా విడుదలకు సిద్ధమవుతున్నది. ఈ చిత్రంలో ప్రధాన పాత్ర ఎల్సాకు ప్రపంచంలోనే అత్యంత ప్రముఖులైన నటీనటులు డబ్బింగ్ చేప్పారు.

హాలీవుడ్ వెర్షన్‌లో క్రిస్టిన్ బెల్, ఇదినా మెంజెల్ డబ్బింగ్ చెప్పగా, హిందీలో ప్రియాంక చోప్రా జోనస్ గొంతును అరువు ఇచ్చారు. తమిళంలో శృతిహాసన్ డబ్బింగ్ చెప్పారు. తెలుగులో నిత్యమీనన్‌తోపాటు తాజాగా సూపర్‌స్టార్ మహేష్‌బాబు ముద్దుల కూతురు సితారా ఘట్టమనేని డబ్బింగ్ చెప్పడం విశేషంగా మారింది.

ఫ్రోజెన్ 2 మహేష్ బాబు, నమ్రత శిరోద్కర్ దంపతులు కుమార్తె, ఏడేళ్ల సితార ఘట్టమనేని చిన్నారి ఎల్సా పాత్రకు వాయిస్ ఓవర్ చెప్పారు. తెలుగులోకి డబ్బింగ్ అవుతున్న ఈ చిత్రం నవంబర్ 22న విడుదల అవుతున్నది అని చిత్ర నిర్వాహకులు ఓ ప్రకటనలో తెలిపారు. అంతకుముందు, ఎల్సా పాత్ర కోసం నిత్యమీనన్ కూడా డబ్బింగ్ చెప్పారు. డిస్నీలాంటి సంస్థతో భాగస్వామ్యం కావడం హ్యాపీగా ఉంది అని ఇటీవల మీడియాకు ఇచ్చిన ఇంటర్వ్యూలో వెల్లడించారు.

ఫ్రోజెన్ 2 చిత్రానికి క్రిస్ బక్, జెన్నీఫర్ లీ దర్శకత్వం వహించగా. పీటర్ డెల్ వెచొ నిర్మించారు. జెన్నీఫర్ లీ, ఆలిసన్ స్క్రీన్ ప్లే అందించారు. రాబర్ట్ లోపెజ్, క్రిస్టిన్ అండర్సన్, లోపెజ్ సంగీతం సమకూర్చారు. 2013లో విడుదలైన ఫ్రోజెన్ సినిమాకు ఇది సీక్వెల్. వాల్ట్ డిస్నీ బ్యానర్‌కు ఇది 58వ చిత్రం కావడం విశేషం.