హోమ్

లేటేస్ట్ న్యూస్

బుల్లితెర పాపులర్ కమెడియన్ సుడిగాలి సుధీర్‌ హీరోగా చేసిన ఫస్ట్ మూవీ 'సాఫ్ట్‌వేర్‌ సుధీర్‌'. శేఖర ఆర్ట్స్‌ క్రియేషన్స్‌ బేనర్‌పై ప్రొడక్షన్‌ నెం: 1గా ప్రముఖ పారిశ్రామిక వేత్త కె. శేఖర్‌ రాజు ఈ చిత్రాన్ని నిర్మిస్తున్నాడు. 'రాజుగారి గది' ఫేమ్‌ ధన్య బాలకృష్ణ హీరోయిన్‌గా నటించింది. ఈ సినిమా ద్వారా రాజశేఖర్‌ రెడ్డి పులిచర్ల దర్శకుడిగా పరిచయమవుతున్నారు.

ఇటీవల విడుదలైన 'సాఫ్ట్‌వేర్‌ సుధీర్‌' ట్రైలర్ అద్భుతమైన రెస్పాన్స్‌తో 1.5 మిలియన్ రియల్ టైమ్ వ్యూస్ సాధించింది. ఈ నేపథ్యంలో తాజాగా 'సాఫ్ట్‌వేర్‌ సుధీర్‌' వెబ్‌సైట్‌ను ప్రారంభించారు. తెలంగాణ సినిమాటో గ్రఫీ శాఖ మంత్రి తలసాని శ్రీనివాస్ యాదవ్ చేతుల మీదుగా ప్రారంభించడం జరిగింది.

ఈ కార్యక్రమంలో తెలంగాణమంత్రి మల్లారెడ్డి, చిత్ర నిర్మాత కె.శేఖర్‌ రాజు, దర్శకుడు రాజశేఖర్‌ రెడ్డి పులిచర్ల పాల్గొన్నారు. ఈ చిత్రానికి సంబంధించిన అన్ని వివరాలను ఆ వెబ్‌సైట్‌లో పొందుపరిచారు. అన్ని కార్యక్రమాలు పూర్తి చేసి డిసెంబర్ రెండవ వారంలో చిత్రాన్ని విడుదల చేయడానికి సన్నాహాలు చేస్తున్నారు.

సుడిగాలి సుధీర్‌, ధన్య బాలకృష్ణ హీరోహీరోయిన్లుగా నటిస్తున్న ఈ చిత్రంలో ప్రజా గాయకుడు గద్దర్‌ ఓ పాటలో నటించారు. సీనియర్‌ నటి ఇంద్రజ, పోసాని కృష్ణమురళి, నాజర్‌, షాయాజీ షిండే, డా. ఎన్‌. శివప్రసాద్‌, పృథ్వీ, సంజయ్‌ స్వరూప్‌, రవికాలే, విద్యుల్లేఖ, టార్జాన్‌ తదితరులు ఇతర కీలక పాత్రలు పోషించారు. భీమ్స్‌ సిసిరోలియో సంగీతం అందిస్తున్నారు.