Don't Miss!
- Finance Ola Cabs IPO: త్వరలో ఓలా క్యాబ్స్ ఐపీఓ..
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- News టీడీపీ ప్లాన్ బీ- వంగవీటి రాధాకు టికెట్?
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
వంద రూపాయల రీచార్జ్ దొరుకుతుందా?.. సోనూ సూద్ సెటైర్
ప్రస్తుతం మన దేశంలో సోనూ సూద్కు ఉన్న క్రేజ్ గురించి ప్రత్యేకంగా చెప్పనక్కర్లేదు. అతను తెరపై విలన్గా వేషాలు వేసినా.. జనం గుండెల్లో మాత్రం హీరోగా నిలిచాడు. ప్రపంచంలోని సూపర్ హీరోల్లోకెల్లా సోనూ సూద్ మేటి అని జనాలు కీర్తిస్తున్నారు. కరోనా, లాక్డౌన్ కాలంలో సోనూ సూద్ చేసిన సేవా కార్యక్రమాల గురించి చెప్పుకుంటూ పోతే రోజులు సరిపోవు. ఇప్పటికీ సోనూ సూద్ సేవలు చేస్తూనే ఉన్నాడు. ఎక్కడో ఎవరికో సోనూ సూద్ వల్ల సాయం అందుతూనే ఉంది.
అలా సోనూ సూద్ ఎంతో మంది పిల్లలకు చదువులు చెప్పిస్తున్నాడు.. చదువుకునేందుకు అనువైన పరిస్థితులు కల్పిస్తున్నాడు.. చావు బతుకుల మధ్య ఉన్న వారిని కాపాడేందుకు ప్రయత్నిస్తున్నాడు.. ఎంతో మందికి ఉపాధి కల్పించాడు.. ఇంకా ఎన్నెన్నో సేవా కార్యక్రమాలు చేస్తూనే ఉన్నాడు. ఇలా సోనూ సూద్ సోషల్ మీడియాను ఉపయోగించుకుని ఆపదలో ఉన్న వారిని ఆదుకుంటూ వస్తున్నాడు. అయితే సోషల్ మీడియాలో సోనూ సూద్ అప్పుడప్పుడు సరదా కామెంట్లు కూడా చేస్తుంటాడు.
తన పేరు మీదుగా దేశంలో ఎన్నో షాపులున్నాయన్న సంగతి తెలిసిందే. ట్రైలర్, రీ చార్జ్, రెస్టారెంట్లు ఇలా ఎన్నెన్నో సోనూ సూద్ పేరు మీదున్నాయి. గతంలో తన పేరు మీదున్న రీచార్జ్ షాపుపై సెటైర్ వేశాడు. నాకు ఫ్రీగా రీచార్జ్ చేస్తారా? అని అడిగాడు. మళ్లీ తాజాగా సోనూ సూద్ రీచార్జ్ పాయింట్ అని ఓ అభిమాని కొత్తగా షాపును ప్రారంభించినట్టున్నాడు. దీనిపై సోనూ సూద్ కామెంట్ చేస్తూ.. నాకు వంద రూపాయల రీచార్జ్ దొరుకుతుందా? భాయ్ అని సోనూ సూద్ అడిగేశాడు. ప్రస్తుతం సోనూ సూద్ చేసిన ట్వీట్ వైరల్ అవుతోంది.