For Quick Alerts
    ALLOW NOTIFICATIONS  
    For Daily Alerts

    బాలయ్య సినిమాలో ఫ్యామిలీ హీరో కీ రోల్: స్పెషల్ డేన క్లారిటీ ఇచ్చిన చిత్ర యూనిట్

    |

    తెలుగు సినీ ఇండస్ట్రీలో కొన్ని కాంబినేషన్లకు మాత్రమే ప్రత్యేకమైన గుర్తింపు ఉంటుంది. అలాంటి వాటిలో నటసింహా నందమూరి బాలకృష్ణ - మాస్ డైరెక్టర్ బోయపాటి శ్రీను కలయిక ఒకటి. గతంలో వీళ్లిద్దరూ కాంబోలో 'సింహా', 'లెజెండ్' వంటి చిత్రాలు రావడం.. ప్రేక్షకుల ఆదరణను అందుకుని అవి సూపర్ డూపర్ హిట్లుగా నిలవడమే దీనికి కారణం. ఇక, ఈ రెండు విజయవంతమైన సినిమాల తర్వాత బాలయ్య.. బోయపాటి కలిసి మరో ప్రాజెక్టును చేస్తున్న విషయం తెలిసిందే. BB3 వర్కింగ్ టైటిల్‌తో షూటింగ్ జరుపుకుంటోన్న ఈ మూవీ నుంచి తాజాగా అదిరిపోయే అప్‌డేట్ వచ్చేసింది.

    హిట్ కాంబినేషన్‌లో ఎంతో ప్రతిష్టాత్మకంగా రాబోతున్న ఈ సినిమాలో ఫ్యామిలీ హీరో శ్రీకాంత్ నటిస్తున్నట్లు ఎప్పటి నుంచో ప్రచారం జరుగుతోంది. కానీ, దానికి సంబంధించిన క్లారిటీ మాత్రం రాలేదు. ఇలాంటి పరిస్థితుల్లో మార్చి 23న ఈ హీరో పుట్టినరోజును పురస్కరించుకుని నిర్మాణ సంస్థ ద్వారక క్రియేషన్స్ ఓ పోస్టు పెట్టింది. ఇందులో ఆయనకు బర్త్‌డే విషెస్ చెప్పడంతో పాటు BB3లో శ్రీకాంత్ భాగం అయినట్లు పోస్టర్‌ను కూడా వదిలింది. దీంతో బాలయ్య సినిమాలో ఆయన నటించేది కన్ఫార్మ్ అయింది. అయితే, ఏ పాత్ర అనేది మాత్రం ఇంకా సస్పెన్స్‌గానే ఉంది.

    Srikanth Key Role in Boyapati - Balakrishna Movie

    ఎన్నో అంచనాల నడుమ రాబోతున్న ఈ సినిమాను ద్వారక క్రియేషన్స్ బ్యానర్‌పై మిర్యాల రవీందర్ రెడ్డి నిర్మిస్తున్నారు. ప్రగ్యా జైస్వాల్‌తో పాటు సామ్నా కాసీం హీరోయిన్లుగా చేస్తున్నారు. థమన్ సంగీతం సమకూర్చుతోన్న ఈ సినిమాపై భారీ అంచనాలే ఉన్నాయి. అందుకు అనుగుణంగానే దీని నుంచి విడుదలైన టీజర్, పోస్టర్లు మరింత హైప్ క్రియేట్ చేస్తున్నాయి. ఇక, ఈ చిత్రాన్ని మే 28న ప్రేక్షకుల ముందుకు తీసుకు రాబోతున్నట్లు చిత్ర యూనిట్ గతంలోనే ప్రకటించింది.

    English summary
    Nandamuri Balakrishna, who is now busy with KS Ravi Kumar’s next film (NBK 105), has announced his upcoming movie tentatively titled NBK 106, which is going to be his third combo with director Boyapati Srinu.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X