Don't Miss!
- News రైతు రుణమాఫీ చేస్తే పార్టీని రద్దు చేసుకుంటావా? హరీష్ కు రేవంత్ రెడ్డి ప్రతిసవాల్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
బాలయ్య సినిమాలో ఫ్యామిలీ హీరో కీ రోల్: స్పెషల్ డేన క్లారిటీ ఇచ్చిన చిత్ర యూనిట్
తెలుగు సినీ ఇండస్ట్రీలో కొన్ని కాంబినేషన్లకు మాత్రమే ప్రత్యేకమైన గుర్తింపు ఉంటుంది. అలాంటి వాటిలో నటసింహా నందమూరి బాలకృష్ణ - మాస్ డైరెక్టర్ బోయపాటి శ్రీను కలయిక ఒకటి. గతంలో వీళ్లిద్దరూ కాంబోలో 'సింహా', 'లెజెండ్' వంటి చిత్రాలు రావడం.. ప్రేక్షకుల ఆదరణను అందుకుని అవి సూపర్ డూపర్ హిట్లుగా నిలవడమే దీనికి కారణం. ఇక, ఈ రెండు విజయవంతమైన సినిమాల తర్వాత బాలయ్య.. బోయపాటి కలిసి మరో ప్రాజెక్టును చేస్తున్న విషయం తెలిసిందే. BB3 వర్కింగ్ టైటిల్తో షూటింగ్ జరుపుకుంటోన్న ఈ మూవీ నుంచి తాజాగా అదిరిపోయే అప్డేట్ వచ్చేసింది.
హిట్ కాంబినేషన్లో ఎంతో ప్రతిష్టాత్మకంగా రాబోతున్న ఈ సినిమాలో ఫ్యామిలీ హీరో శ్రీకాంత్ నటిస్తున్నట్లు ఎప్పటి నుంచో ప్రచారం జరుగుతోంది. కానీ, దానికి సంబంధించిన క్లారిటీ మాత్రం రాలేదు. ఇలాంటి పరిస్థితుల్లో మార్చి 23న ఈ హీరో పుట్టినరోజును పురస్కరించుకుని నిర్మాణ సంస్థ ద్వారక క్రియేషన్స్ ఓ పోస్టు పెట్టింది. ఇందులో ఆయనకు బర్త్డే విషెస్ చెప్పడంతో పాటు BB3లో శ్రీకాంత్ భాగం అయినట్లు పోస్టర్ను కూడా వదిలింది. దీంతో బాలయ్య సినిమాలో ఆయన నటించేది కన్ఫార్మ్ అయింది. అయితే, ఏ పాత్ర అనేది మాత్రం ఇంకా సస్పెన్స్గానే ఉంది.
ఎన్నో అంచనాల నడుమ రాబోతున్న ఈ సినిమాను ద్వారక క్రియేషన్స్ బ్యానర్పై మిర్యాల రవీందర్ రెడ్డి నిర్మిస్తున్నారు. ప్రగ్యా జైస్వాల్తో పాటు సామ్నా కాసీం హీరోయిన్లుగా చేస్తున్నారు. థమన్ సంగీతం సమకూర్చుతోన్న ఈ సినిమాపై భారీ అంచనాలే ఉన్నాయి. అందుకు అనుగుణంగానే దీని నుంచి విడుదలైన టీజర్, పోస్టర్లు మరింత హైప్ క్రియేట్ చేస్తున్నాయి. ఇక, ఈ చిత్రాన్ని మే 28న ప్రేక్షకుల ముందుకు తీసుకు రాబోతున్నట్లు చిత్ర యూనిట్ గతంలోనే ప్రకటించింది.