సుడిగాలి సుధీర్‌ని ఆటాడుకున్న సన్నీలియోన్.. బీర్లు పొంగిచి బాగా ఎంజాయ్ చేశాక!

ఒకే ఫ్రేమ్‌లో 3 మంకీస్

నూతన దర్శకుడు అనిల్ దర్శకత్వంలో 3 మంకీస్ పేరుతో కొత్త సినిమా తెరకెక్కుతోంది. పేరుకు తగ్గట్టు ఈ సినిమాలో మూడు కోతులు ఉన్నాయి. అవే సుడిగాలి సుధీర్, ఆటో రాంప్రసాద్, గెటప్ శ్రీను. అయితే ఇది సినిమా కదా అందుకే పేర్లు కూడా మార్చుకున్నాయి ఆ కోతులు. సంతోష్, ఆనంద్, ఫణిలుగా ఒకే ఫ్రేమ్ లోకి వచ్చేశాయి.

మూడు కోతుల ఆగడాలు.. మాములుగా లేవుగా!

సుడిగాలి సుధీర్, ఆటో రాంప్రసాద్, గెటప్ శ్రీను కలిసి నటిస్తున్న 3 మంకీస్ టీజర్ కొద్ది సేపటి క్రితమే విడుదలైంది. ఈ ట్రైలర్ లో మూడు కోతులుగా ఓ రేంజ్ హంగామా చేశారు ఈ ముగ్గురూ. చిత్రంలో బెస్ట్ ఫ్రెండ్స్‌గా నటించిన ఈ ముగ్గురు చేసే కోతి పనులు ట్రైలర్‌లో హైలైట్ సన్నివేశాలు. దీంతో ఈ ట్రైలర్ నెట్టింట వైరల్ అవుతోంది.

బీర్లు పొంగించారు.. సన్నీలియోన్‌ని తెచ్చుకున్నారు

సుడిగాలి సుధీర్, ఆటో రాంప్రసాద్, గెటప్ శ్రీను ముగ్గురూ బెస్ట్ ఫ్రెండ్స్ కదా. పైగా బ్యాచిలర్స్ కూడాను. ఇంకా చెప్పాలంటే కోతులు. ఇంకేముంది వీళ్ళ ఆగడాలు మామూలుగా ఉంటాయా? ఓ రేంజ్‌లో ఎంజాయ్ చేసేశారు. బీర్లు పొంగించారు.. సన్నీలియోన్‌ని తెచ్చుకున్నారు.. ఇంకా సరదా సరదాగా చాలానే చేశారులే. ఇవన్నీ ట్రైలర్‌లో ఆకట్టుకునే సీన్స్. ఆ సీన్స్ మీరే చూడండి.

ఓ వైపు నాగబాబు, మరోవైపు వెంకటేష్

గతంలో 3 మంకీస్ ఫస్ట్ లుక్ విడుదల చేసి జబర్దస్త్ కామెడియన్లకు తమ సపోర్ట్ తెలిపారు మెగా బ్రదర్ నాగబాబు. ఇక ఇప్పుడు ఈ టీజర్ విడుదల చేసి విక్టరీ వెంకటేష్ వారికి అండగా నిలిచారు. ఈ జోష్ చూస్తుంటే ఈ ముగ్గురు కోతుల హంగామా థియేటర్స్‌లో నవ్వుల వర్షం కురిపించడం ఖాయం అని తెలుస్తోంది.