హోమ్

లేటేస్ట్ న్యూస్

మెగా మేనల్లుడు సాయి ధరమ్ తేజ్‌ హీరోగా మారుతీ దర్శకత్వంలో తెరకెక్కిన చిత్రం 'ప్రతిరోజూ పండగే'. చిత్రంలో సాయి ధరమ్ తేజ్ సరసన రాశీఖన్నా హీరోయిన్‌గా నటించింది. డిసెంబర్ 20వ తేదీన విడుదలైన ఈ సినిమా మొదటి షోతోనే ఫ్యామిలీ ఆడియన్స్ నుంచి మంచి టాక్‌ అందుకుంది.

దర్శకుడు మారుతీ తెరకెక్కించిన విధానం, కుటుంబ ప్రేక్షకులను అలరించేలా తీర్చిదిద్దిన సన్నివేశాలు, ముఖ్యంగా కామెడీ సీన్స్ ఆకట్టుకున్నాయి. రావు రమేష్‌, సత్యరాజ్‌ పాత్రలకు మంచి స్పందన వచ్చింది. దీంతో కలెక్షన్స్ పరంగా కూడా ఫర్వాలేదనిపించుకుంటోంది 'ప్రతిరోజూ పండగే' మూవీ. ఈ సందర్భంగా చిత్ర యూనిట్ హైదరాబాద్‌లో సక్సెస్ మీట్ ఏర్పాటు చేశారు. ఈ సమావేశానికి చిత్ర యూనిట్‌తో పాటు దర్శకునె సుకుమార్, పరుశురాం, పరుచూరి గోపాలకృష్ణ తదితరులు హాజరయ్యారు.

ఈ సందర్భంగా వేదికపై క్రియేటివ్ డైరెక్టర్ సుకుమార్ మాట్లాడుతూ.. ''ప్రతిరోజూ పండగే సినిమా సక్సెస్ అయినందుకు హ్యాపీగా ఉంది. ఇండస్ట్రీలో నాకున్న తక్కువ మంది ఫ్రెండ్స్‌లో బన్నీ వాసు ఒకరు. సైకాలజీ బాగా తెలిసిన వ్యక్తి కనుకనే ఇన్ని సక్సెస్‌ఫుల్ సినిమాలు తీయగలిగాడు అతను. థియేటర్‌లో సినిమా చూస్తున్న ఆడియన్స్ బాగా ఎంజాయ్ చేస్తున్నారు. మారుతి ఈ స్థాయికి ఎదగడం సంతోషంగా ఉంది. చాలా ట్యాలెంట్ ఉన్న డైరెక్టర్ లలో ఒకరు మారుతి. ఈ సినిమాలో పనిచేసిన అందరూ టెక్నీషియన్స్, నటీనటులకు అభినందనలు తెలుపుతున్నాను'' అని అన్నారు.