twitter
    For Quick Alerts
    ALLOW NOTIFICATIONS  
    For Daily Alerts

    మెగా హీరోకు సుకుమార్ సహాయం: ఆయన చేతుల మీదుగా ‘రిపబ్లిక్’ టీజర్

    |

    ఈ మధ్య కాలంలో వరుస విజయాలతో దూసుకుపోతున్నాడు సుప్రీమ్ హీరో సాయి ధరమ్ తేజ్. నిన్న మొన్నటి వరకూ పరాజయాల పరంపరతో ఇబ్బందులు పడ్డ ఈ యంగ్ హీరో.. 'చిత్రలహరి'తో మరోసారి హిట్ ట్రాక్ ఎక్కాడు. ఆ తర్వాత 'ప్రతి రోజూ పండగే'తో కెరీర్‌లోనే బిగ్గెస్ట్ హిట్‌ను తన ఖాతాలో వేసుకున్నాడు. ఇక, ఇటీవల వచ్చిన 'సోలో బ్రతుకే సో బెటర్'తో హ్యాట్రిక్ విజయాలను అందుకున్నాడు. ఈ జోష్‌లోనే ప్రస్తుతం సాయి ధరమ్ తేజ్ 'రిపబ్లిక్' అనే సినిమా చేస్తున్నాడు. తాజాగా ఈ మూవీ యూనిట్ నుంచి అదిరిపోయే అప్‌డేట్ వచ్చింది.

    వినూత్న చిత్రాలతో తనకంటూ ప్రత్యేకమైన శైలిని ఏర్పరచుకున్న దర్శకుడు దేవ కట్టా. అతడి డైరెక్షన్‌లో సుప్రీమ్ హీరో సాయి ధరమ్ తేజ్ నటిస్తోన్న చిత్రమే 'రిపబ్లిక్'. ఈ సినిమా టీజర్‌ను ఏప్రిల్ 5న విడుదల చేయబోతున్నట్లు చిత్ర యూనిట్ రెండు రోజుల క్రితమే వెల్లడించిన విషయం తెలిసిందే. తాజాగా దీనిపై మరో అప్‌డేట్ ఇచ్చారు. ఇక, ఈ టీజర్‌ను లాంచ్ చేయడం కోసం హైదరాబాద్‌లోని దస్పల్లా హోటల్‌లో ఓ ఈవెంట్‌ను సోమవారం నిర్వహించబోతున్నారు. దీనికి క్రియేటివ్ డైరెక్టర్ సుకుమార్ ముఖ్య అతిథిగా వస్తున్నారు.

    Sukumar to Launch Sai Dharam Tejs Republic Movie Teaser

    ఆయన చేతుల మీదుగానే ఉదయం 11.30 గంటలకు ఇది విడుదల కాబోతుంది. ఈ మేరకు ఆయనకు స్వాగతం చెబుతూ చిత్ర యూనిట్ ఓ పోస్టర్‌ను వదలింది. ఎంతో ప్రతిష్టాత్మకంగా రాబోతున్న 'రిపబ్లిక్' మూవీని భగవాన్, పుల్లారావు సంయుక్తంగా నిర్మిస్తున్నారు. ఇందులో నివేదా పేతురాజ్ హీరోయిన్‌గా నటిస్తోంది. అలాగే, సీనియర్ హీరోయిన్ రమ్యకృష్ణ ఆంధ్రప్రదేశ్ ముఖ్యమంత్రిగా నటిస్తున్నట్లు తెలుస్తోంది. కొల్లేరు సరస్సు సమస్యలపై ఈ మూవీ రూపొందుతోందని అంటున్నారు. ఇది జూన్ 4న విడుదల కానుంది.

    English summary
    Sai Dharam Tej is an Indian film actor who works in the Telugu film industry. Sai Dharam Tej made his debut as a lead in the film Pilla Nuvvu Leni Jeevitam, directed by Ravi Kumar Chowdary opposite Regina Cassandra.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X