హోమ్

లేటేస్ట్ న్యూస్

టాలెంటెడ్ హీరో సందీప్ కిషన్ హీరోగా ఎన్నో చిత్రాల్లో నటిస్తున్నాడు. కానీ, సుదీర్ఘమైన కెరీర్‌లో చాలా తక్కువ విజయాలనే అందుకున్నాడు. ఇలాంటి పరిస్థితుల్లో పక్కాగా హిట్ కొట్టాలన్న లక్ష్యంతో సరికొత్త ప్రయోగాలతో సినిమాలు చేస్తూ వస్తున్నాడు. ఈ క్రమంలోనే ఆ మధ్య 'A1 ఎక్స్‌ప్రెస్' అనే సినిమాతో ప్రేక్షకుల ముందుకు వచ్చాడు. ఎన్నో అంచనాలతో వచ్చిన ఈ చిత్రం పాజిటివ్ టాక్‌నే సొంతం చేసుకుంది. కానీ, కలెక్షన్ల పరంగా మాత్రం నష్టాలనే ఎదుర్కొవలసి వచ్చింది. దీంతో అతడికి మరోసారి నిరాశ తప్పలేదు. ఇక, ఈ మూవీ స్ట్రీమింగ్ డేట్ బయటకు వచ్చింది.

స్విమ్ సూట్‌లో క్లీవేజ్ షోతో‌ సెగలు రేపుతోన్న పార్వతి నాయర్

డెన్నిస్ జీవన్ కనుకొలను దర్శకత్వంలో సందీప్ కిషన్ నటించిన 'A1 ఎక్స్‌ప్రెస్' మూవీ హాకీ నేపథ్యంతో వచ్చింది. ఈ మూవీకి టాక్‌గా మంచిగా ఉన్నా.. కరోనా పరిస్థితుల కారణంగా ప్రేక్షకుల థియేటర్లకు రాలేకపోయారు. ఇలాంటి సమయంలో దీని డిజిటల్ స్ట్రీమింగ్ హక్కులను సన్ నెట్‌వర్క్‌కు చెందిన సన్ నెక్ట్స్ ఓటీటీ సొంతం చేసుకుంది. ఇందులో భాగంగానే ఈ చిత్రాన్ని మే 1వ తేదీ నుంచి అందులో స్ట్రీమింగ్ చేయబోతున్నారు. తద్వారా థియేటర్లలో మిస్ అయిన వాళ్లు ఈ చిత్రాన్ని ఓటీటీలో చూసే అవకాశం ఉంది. దీంతో దీనికి మంచి స్పందనే వస్తుందని అంటున్నారు.

తెలుగులోనే మొట్టమొదటి హాకీ సినిమాగా వచ్చింది 'A1 ఎక్స్‌ప్రెస్'. ఎంతో ప్రతిష్టాత్మకంగా వచ్చిన ఈ సినిమాను విశ్వ ప్రసాద్, అభిషేక్ అగర్వాల్, దయా పన్నెన్‌లతో కలిసి సందీప్ కిషన్ ఈ చిత్రాన్ని నిర్మించాడు. లావణ్య త్రిపాఠి హీరోయిన్‌గా చేసింది. ఈ సినిమాలోని 'సింగిల్ కింగులం' అనే పాట ఎంత ఫేమస్ అయిందో ప్రత్యేకంగా చెప్పనక్కర్లేదు. టాలీవుడ్ సెన్సేషనల్ సింగర్ రాహుల్ సిప్లీగంజ్ ఆలపించిన ఈ పాట రికార్డు స్థాయిలో వ్యూస్ సాధించింది.