Don't Miss!
- News పిఠాపురంలో ముద్రగడకు మూడో స్ధానం..! అప్పట్లో వంగా గీత చేతిలో ఓటమి..!
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Sports హేటర్స్ ఎంతకు తెగించారు: చివరికి హార్దిక్ పాండ్యా వైఫ్ను కూడా
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
అదరగొడుతోన్న ‘A1 ఎక్స్ప్రెస్’ ట్రైలర్: దెబ్బకు నెంబర్ వన్ ప్లేస్లోకి సందీప్ మూవీ
అప్పుడెప్పుడో హీరోగా పరిచయమై.. తెలుగు సినీ ఇండస్ట్రీలో తన మార్క్ చూపించేందుకు పరితపిస్తున్నాడు టాలెంటెడ్ యాక్టర్ సందీప్ కిషన్. 'ప్రస్థానం' అనే సినిమాతో టాలీవుడ్కు పరిచయం అయిన అతడు.. ఆ వెంటనే 'షోర్ ఇన్ ద సిటీ' అనే హిందీ చిత్రాన్ని కూడా చేశాడు. అప్పటి నుంచి వరుసగా సినిమాలు చేసుకుంటూ వెళ్తోన్న అతడికి 'వెంకటాద్రి ఎక్స్ప్రెస్' తర్వాత ఆ రేంజ్ హిట్ మాత్రం దక్కలేదు. ఇలాంటి సమయంలో రెండేళ్ల క్రితం 'నిను వీడని నీడను నేనే'తో మరోసారి హిట్ ట్రాక్ ఎక్కాడు. ఆ తర్వాత మరోసారి విజయం కోసం వేచి చూడాల్సిన పరిస్థితి ఏర్పడింది.
ఈ నేపథ్యంలో ప్రస్తుతం సందీప్ కిషన్ 'A1 ఎక్స్ప్రెస్' అనే సినిమాలో నటిస్తున్నాడు. జాతీయ క్రీడ హాకీ నేపథ్యంతో సాగే ఈ సినిమాను డెన్నిస్ జీవన్ కనుకొలను తెరకెక్కిస్తున్నాడు. విశ్వ ప్రసాద్, అభిషేక్ అగర్వాల్, దయా పన్నెన్లతో కలిసి సందీప్ కిషన్ ఈ చిత్రాన్ని నిర్మిస్తున్నాడు. లావణ్య త్రిపాఠి హీరోయిన్గా చేస్తోంది. హిప్ ఆప్ తమీజా సంగీతం సమకూర్చుతున్నాడు. ఆ మధ్య విడుదలైన ఈ మూవీ పోస్టర్కు విశేషమైన స్పందన వచ్చింది. ఈ క్రమంలోనే మంగళవారం 'A1 ఎక్స్ప్రెస్' ట్రైలర్ను విడుదల చేశారు. దీనికి ప్రేక్షకుల నుంచి విశేషమైన ఆదరణ లభిస్తోంది.
ఈ సినిమాలో సందీప్ కిషన్ హాకీ ఆటగాడిగా నటిస్తున్నాడు. ఒకప్పుడు వరుస విజయాలను అందుకుంటూ జాతీయ క్రీడగా ఎంపికైన హాకీ.. ఇప్పుడు దుర్భర పరిస్థితులను ఎదుర్కొంటోంది. ఈ విషయాన్ని ప్రధానంగా తీసుకుని తెరకెక్కించిన సినిమానే 'A1 ఎక్స్ప్రెస్' అని ట్రైలర్ను చూస్తే అర్థం అవుతోంది. క్రీడా రంగంలోని రాజకీయాల వల్ల గొప్ప గొప్ప ఆటగాళ్లు ఎలా నష్టపోతున్నారన్నది కూడా ఇందులో చూపించారు. ఇక, ఈ ట్రైలర్ ఇప్పటికే దాదాపు మూడు మిలియన్ వ్యూస్ సాధించి, యూట్యూబ్లో నెంబర్ వన్ ప్లేస్లో ట్రెండ్ అవుతోంది. ఈ సినిమాలో మురళీ శర్మ, రావు రమేష్, పోసాని కృష్ణ మురళీ సహా పలువురు కీలక పాత్రలు పోషిస్తున్నారు.