Super Star Krishna అంత్యక్రియలకు ఆలస్యంగా కృష్ణ పెద్ద మనవడు.. కారణం ఏమిటంటే?

ఆ వార్త గురించి తెలియగానే..

సూపర్ స్టార్ కృష్ణ సోమవారం రోజు గుండె నొప్పితో హాస్పిటల్ లో చేరిన విషయం తెలిసిందే. అయితే గంటల తరబడి వైద్యులు ఆయనను రక్షించేందుకు ఎంతగానో ప్రయత్నం చేశారు. కానీ గుండెపోటు ప్రభావం మిగతా అవయవాలపై కూడా తీవ్ర ప్రభావం చూపడంతో ఆయన మంగళవారం ఉదయం తెల్లవారుజామున కన్నుమూశారు. ఆ వార్త గురించి తెలియగానే విదేశాల్లో ఉన్న కొంతమంది కుటుంబ సభ్యులు కూడా హుటాహుటిన బయలుదేరి ఇండియాకు వచ్చేశారు.

తీరని విషాదం

ఇక బుధవారం రోజు ఘట్టమనేని కృష్ణ అంత్యక్రియలు జరిగిన విషయం తెలిసిందే. తెలంగాణ ప్రభుత్వ అధికార లాంచనాలతో సూపర్ స్టార్ కృష్ణకు ఘనంగా వీడ్కోలు పలికారు. మహేష్ బాబు తన తల్లికి అంతిమ సంస్కారాలు నిర్వహించిన కొన్ని రోజులకే తండ్రికి కూడా అదే తరహాలో కన్నీటితో వీడ్కోలు పలికాడు. మహేష్ మాత్రమే కాకుండా వారి కుటుంబ సభ్యులకు కూడా ఇది తీరని విషాదంగా మిగిలింది.

చాలాకాలం తర్వాత

సూపర్ స్టార్ కృష్ణ మృతి చెందినట్లు తెలియగానే టాలీవుడ్ ఇండస్ట్రీలోని చాలామంది సినీ ప్రముఖులు ఆయన ఇంటికి చేరుకొని పార్థివ దేహానికి నివాళులర్పించారు. చాలాకాలం తర్వాత ఒక స్టార్ హీరో కోసం దాదాపు ఇండస్ట్రీలోని అగ్ర ప్రముఖులు అందరు కూడా తరలివచ్చారు. అలాగే పలువురు రాజకీయ నాయకులు కూడా ఆయనకు నివాళులర్పించారు.

రమేష్ బాబు తనయుడు

ఇక మహేష్ బాబు తనయుడు గౌతమ్ ఘట్టమనేని కూడా అమెరికాలో చదువుకుంటున్న విషయం తెలిసిందే. ఇక అతను పరిస్థితి గురించి తెలుసుకుని వెంటనే ఇండియా వచ్చేసాడు. ఇక అదే తరహాలో రమేష్ బాబు తనయుడుని కూడా ఇండియాకు రప్పించాలని అనుకున్నారు కానీ అనుకోని విధంగా అతను రాలేకపోయాడు.

సూపర్ స్టార్ కృష్ణ పెద్ద మనవడు

రమేష్ బాబు తనయుడు సూపర్ స్టార్ కృష్ణ పెద్ద మనవడు జయకృష్ణ తాత కోరిక మేరకు నటుడు అవ్వాలి అనే డిసైడ్ అయ్యాడు. అంతే కాకుండా సూపర్ స్టార్ కృష్ణ తన ఖర్చులతోనే అమెరికా పంపించి అక్కడే ప్రత్యేకంగా అతనికి శిక్షణ కూడా ఇప్పిస్తున్నారు. తాత గారి చేతుల మీదుగానే హీరోగా లాంచ్ అవ్వాలని జయకృష్ణ అనుకున్నాడు. కానీ ఇంతలోనే ఆయన మృతి చెందడంతో జయకృష్ణ ఇంటికి రాగానే తీవ్రస్థాయిలో కుటుంబ సభ్యుల నడుమ మనోవేదనకు గురయ్యాడు. ఇక అతన్ని ఇప్పుడు మహేష్ బాబు ఇండస్ట్రీలోకి లాంచ్ చేయనున్నాడు.