Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అలవైకుంఠపురములో టీజర్.. హైప్ పెంచేస్తోన్న యూనిట్.. దెబ్బకు ట్రెండింగ్లోకి
టాలీవుడ్ స్టైలీష్ స్టార్ అల్లు అర్జున్-మాటల మాంత్రికుడు త్రివిక్రమ్ కాంబినేషన్ అంటే ప్రేక్షకులకు ఎప్పుడూ పండగే. గతం వీరి కాంబినేషన్లో వచ్చిన జులాయి, సన్నాఫ్ సత్యమూర్తి ఏ రేంజ్లో సక్సెస్ అయ్యాయో ప్రత్యేకంగా చెప్పనక్కర్లేదు. మరోసారి అభిమానులతో పాటు సగటు ప్రేక్షకులను సైతం ఆకట్టుకోవడానికి అల వైకుంఠపురములో అంటూ వచ్చేస్తున్నారు.
పాటలతో ప్రభంజనం..
అల వైకుంఠపురములో చిత్రానికి సంగీతమనేది అతిపెద్ద బలంగా మారిందని ఇప్పటి వరకు విడుదల చేసిన పాటలను బట్టి చెప్పొచ్చు. సామజవరగమన, రాములో రాముల, ఓఎమ్జీ డాడీ అనే పాటలు సోషల్ మీడియాలో ఇప్పటికీ కొత్త కొత్త రికార్డులను లిఖిస్తూ పోతూనే ఉన్నాయి.
టీజర్తో ట్రీట్..
ఇప్పటి వరకు పాటలతోనే ఫ్యాన్స్ను అలరించిన బన్నీ.. టీజర్తో స్పెషల్ ట్రీట్ ఇచ్చేందుకు సిద్దమయ్యాడు. అయితే సోమవారం నాడే రిలీజ్ కావాల్సిన ఈ టీజర్.. మెగా ఫ్యాన్ నూర్ మహ్మద్ మరణంతో వాయిదా పడింది. అయితే ముందుగా చెప్పిన టైమ్కు కాకుండా కాస్త ఆలస్యంగా వస్తోన్న ఈ టీజర్పై అంచనాలు పెంచేందుకు చిత్రబృందం భారీ ప్లాన్లే వేస్తోంది.
టీజర్ గ్లింప్స్తోనే అదరగొట్టేశారు..
తినబోయే ముందు రుచి చూడటమెందుకు అనేది పాత లెక్క.. ప్రస్తుతం ట్రెండ్ మారింది. ఏదైనా ఒక్కొక్కటిగా స్లో పాయిజన్లా ఎక్కించడమే నేటి పద్దతి. ఈ క్రమంలో టీజర్ అంటూ ఆలస్యంగా వస్తోన్న గ్లింప్స్తో రుచి చూపించాడు. బన్నీ స్టైల్, త్రివిక్రమ్ టైప్ కామెడీ అన్నీ ఉండబోతోన్నట్లు గ్లింప్స్తో చెప్పేశారు.
Recommended Video
రంగంలోకి దిగిన సుశాంత్, నివేదా, థమన్..
ఈ టీజర్ నేటి సాయంత్రం 4.05గంటలకు విడుదల కాబోతోందని సుశాంత్, నివేదా పేతురాజ్, థమన్లతో చెప్పిస్తూ.. భారీ హైప్ క్రియేట్ చేసేందుకు ప్రయత్నిస్తోంది చిత్రయూనిట్. ఈ క్రమంలో హైదరాబాద్లో ఈ టాపిక్ ట్రెండింగ్లోకి వచ్చి.. టాప్ ప్లేస్లో దూసుకుపోతోంది. మరి టీజర్ రిలీజ్ అయ్యాక పరిస్థితి ఎలా ఉంటుందో చూడాలి.