ఇండియన్ ఆర్మీ కోసం ప్రత్యేకంగా సైరా.. దేశం గర్వించే విధంగా ప్లాన్!

ఆ నాటి పరిస్థితులకు అద్దంపడుతూ

తొలితరం స్వాతంత్ర్య సమరయోధుడు, రేనాటి వీరుడు ఉయ్యాలవాడ నరసింహా రెడ్డి జీవిత చరిత్రను కళ్ళకు కట్టినట్లు చూపించారు డైరెక్టర్ సురేందర్ రెడ్డి. 1920 నాటి పరిస్థితులను, తెలుగు ప్రజలపై ఇంగ్లీష్ వారి పెత్తనం, ఆ పెత్తనం సహించని ఉయ్యాలవాడ నరసింహా రెడ్డి తిరుగుబాటుకు ప్రాణం పోస్తూ సన్నివేశాల చిత్రీకరణ చేసింది సైరా యూనిట్.

వెనక్కి తగ్గని రామ్ చరణ్.. సినిమా రేంజ్

ఇక సైరా సినిమా నిర్మాణ బాధ్యతలు చేప్పట్టిన రామ్ చరణ్ ఎక్కడా వెనక్కి తగ్గలేదు. కొణిదెల ప్రొడక్షన్స్ బ్యానర్ పై అత్యంత భారీ బడ్జెట్ కేటాయించి తండ్రికి కానుక ఇచ్చారు. ఇక సైరాలో ఉయ్యాలవాడ వీరుడిగా చిరంజీవి అభినయం ప్రేక్షకులను రక్తి కట్టించింది. కిచ్చ సుదీప్, విజయ్ సేతుపతి, అమితాబ్ బచ్చన్, నయనతార, తమన్నా రోల్స్ సినిమా రేంజ్ పెంచేశాయి.

ఇండియన్ ఆర్మీ కోసం ప్రత్యేకంగా

విడుదల తరువాత ఘనవిజయం సాధించిన ఈ సినిమాను ఇండియన్ ఆర్మీ కోసం ప్రత్యేకంగా ప్రదర్శిస్తూ సైరా ప్రత్యేకత చాటుకుంటున్నారు. కర్ణాటక డిస్ట్రిబ్యూటర్ ధీరజ్ ఎంటర్‌ప్రైజస్ వారు బెంగళూరులో ఇండియన్ ఆర్మీ కోసం ప్రత్యేకంగా 60 షోస్ ఏర్పాటు చేశారు. ఇందుకు సంబంధించిన వివరాలతో కూడిన పోస్టర్ ప్రస్తుతం నెట్టింట వైరల్ అవుతోంది. దేశం గర్వించదగిన సినిమాను దేశం గర్వించే విధంగా ప్లాన్ చేశారని అంటున్నారు ఈ విషయం తెలుసుకున్న నెటిజన్లు.

సైరా కలెక్షన్ల సునామీ

మరోవైపు సైరా కలెక్షన్ల సునామీ ఇప్పట్లో ఆగే పరిస్థితులు కనిపించడం లేదు. సినిమాకు హాలీడే సీజన్‌ బాగా కలిసొచ్చింది. దీంతో కలెక్షన్స్ పరంగా యమ స్పీడ్‌గా దూసుకెళ్తోంది సైరా. ఇప్పటికే ప్రపంచ వ్యాప్తంగా 200 కోట్ల గ్రాస్ రాబట్టి సరికొత్త రికార్డు నమోదు చేసింది. అత్యంత వేగంగా 200 కోట్ల గ్రాస్ వసూలు చేసిన నాలుగో చిత్రంగా నిలిచింది సైరా నరసింహా రెడ్డి నిలవడం విశేషం.