Don't Miss!
- Sports SRH vs RCB ఉప్పల్ మ్యాచ్కు భారీ అడ్డంకి..!
- News Gannavaram: ఒకే రోజు వంశీ, యార్లగడ్డ నామినేషన్- ఇద్దరికీ షాక్..?
- Lifestyle నిమ్మరసంతో ఇన్ని ప్రయోజనాలాా..? కిడ్నీలో రాళ్లు కూడా మాయం, ఇంకా ఎన్నో..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
'అల.. వైకుంఠపురములో' నుంచి టబు బ్రేక్.. ఇదీ మ్యాటర్
ఒకప్పుడు వెండితెరపై ఓ వెలుగు వెలిగిన సీనియర్ హీరోయిన్లు.. తిరిగి తెలుగు చిత్రసీమలోకి వస్తుండటం సినీ వర్గాల్లో జోష్ నింపుతోంది. ఇప్పటికే 'సరిలేరు నీకెవ్వరు' సినిమాతో విజయశాంతి, 'అల.. వైకుంఠపురములో' సినిమాతో టబు రీ ఎంట్రీ ఫిక్స్ అయిన సంగతి తెలిసిందే. ఈ ఇద్దరూ వారి వారి సినిమా షూటింగుల్లో చురుకుగా పాల్గొంటున్నారు.
అయితే తాజాగా అందిన సమాచారం మేరకు 'అల.. వైకుంఠపురములో' సినిమా నుంచి టబు బ్రేక్ తీసుకుందట. ఇప్పటిదాకా ఆమెపై కీలక సన్నివేశాల చిత్రీకరణ జరిగింది. అయితే సామజవరగమన సాంగ్ షూట్ నిమిత్తం 'అల.. వైకుంఠపురములో' యూనిట్ అంతా ఫ్రాన్స్ వెళ్లిన కారణంగా టబుకి కాస్త బ్రేక్ లభించిందని తెలుస్తోంది. దీంతో ఈ గ్యాప్లో టబు భోల్ బులియ్య 2 చిత్ర షూటింగ్లో పాల్గొంటున్నారని సమాచారం. చిత్ర యూనిట్ ఫ్రాన్స్ నుంచి తిరిగి రాగానే టబుపై మరికొన్ని సన్నివేశాల చిత్రీకరణ జరపనుందట చిత్ర యూనిట్.
ఇప్పటికే 'అల.. వైకుంఠపురములో' సినిమా నుంచి విడుదల చేసిన టబు లుక్ ప్రేక్షకుల నుంచి విశేష ఆదరణ పొందింది. దీంతో వెండితెరపై బన్నీతో ఆమె స్క్రీన్ షేర్ చేసుకోవడం చూడాలని ఆతృతగా ఉన్నారు బన్నీ అభిమానులు. చిత్రంలో టబు పాత్రకు బాగా వెయిటేజ్ కల్పించారట త్రివిక్రమ్.
గీతా ఆర్ట్స్ బ్యానర్, హారిక & హాసిని క్రియేషన్స్ సంయుక్త సమర్పణలో రూపొందుతోంది 'అల.. వైకుంఠపురములో' మూవీ. త్రివిక్రమ్ దర్శకత్వంలో తెరకెక్కుతున్న ఈ చిత్రంలో అల్లు అర్జున్ హీరోగా నటిస్తుండగా.. సుశాంత్, నివేదా పేతురాజ్, టబు కీలక పాత్రలు పోషిస్తున్నారు. థమన్ అందించిన సంగీతం ఈ సినిమాకు ప్లస్ కానుంది. భారీ అంచనాల నడుమ జనవరి 12వ తేదీన ఈ సినిమా విడుదల కానుంది.