గుండెపోటుతో కుప్పకూలిపోయిన కమెడియన్ వివేక్.. విషమంగా మారిన పరిస్థితి..

ఐసీయూలో చికిత్స

వివేక్‌ను ప్రస్తుతం ప్రైవేట్ ఆసుపత్రి వైద్యుల బృందం పర్యవేక్షిస్తోంది. అతను ఐసీయూలో ఉన్నట్లు తెలుస్తోంది. 59 ఏళ్ల ఈ నటుడు గురువారం రోజు COVID-19 వ్యాక్సిన్ కూడా వేయించుకున్నాడు. టీకాలు వేసిన వెంటనే, నటుడు మీడియాతో కూడా మాట్లాడాడు. అలాగే కోవిడ్ ను ఎదుర్కొనేందుకు తగిన జాగ్రత్తలు కూడా తీసుకోవాలని సూచనలు ఇచ్చారు.

ఆ సినిమాల ద్వారా..

వివేక్ కేవలం తమిళ జనాలకే కాకుండా తెలుగు వారికి కూడా సూపరిచితమే శంకర్ దర్శకత్వంలో చేసిన కొన్ని సూపర్ హిట్ సినిమాలు తెలుగులో సక్సెస్ కావడం వలన వివేక్ ఇక్కడి వారికి కూడా బాగా దగ్గరయ్యాడు. బాయ్స్, అపరిచితుడు, శివాజీ సినిమాల ద్వారా వివేక్ అన్ని వర్గాల ఆడియెన్స్ కు బాగా కనెక్ట్ అయ్యాడు.

సినిమాలకు దూరంగా

ధనుష్ నటించిన రఘువరన్ బి.టెక్ సినిమా కూడా తెలుగులో హిట్ టాక్ ను సొంతం చేసుకున్న విషయం తెలిసిందే. అందులో అతని కామెడీ సినిమాకు బాగా ప్లస్ అయ్యింది.

అయితే తమిళ ఇండస్ట్రీలో వివేక్ గతంలో మాదిరిగా ఆఫర్స్ అందుకోవడం లేదు. అనారోగ్య కారణాల వల్ల చాలా వరకు సినిమాలు తగ్గించేశారు.

Recommended Video

Actor Vivek Biography, తన ధ్యేయం ఇదే , రూమర్స్ నమ్మొద్దు | RIP Vivek Sir | Filmibeat Telugu

ఉలిక్కిపడిన కోలీవుడ్

ఇక ఈ నటుడు సడన్ గా గుండెపోటుతో హాస్పిటల్ లో చేరడంతో ఒక్కసారిగా తమిళ చిత్ర పరిశ్రమ ఉలిక్కి పడింది. వెంటనే ఆయన కోలుకోవాలని సోషల్ మీడియా ద్వారా స్పందిస్తున్నారు. ఇక వివేక్ గురువారం వ్యాక్సిన్ వేసుకున్న అనంతరం ఎంతో ఉల్లాసంగా మాట్లాడుతూ మరుసటి రోజే హార్ట్ ఎటాక్ కు గురి కావడం హాట్ టాపిక్ గా మారింది.