థియేటర్ల వద్ద ఫ్లాప్ అయినా అక్కడ మాత్రం బ్లాక్ బస్టర్ హిట్టు.. ఏ సినిమానో తెలుసా?

ఈ మధ్య కాలంలో చాలా సినిమాల రిజల్ట్స్ తేడా కొట్టేస్తున్నాయి. భారీ అంచనాల మధ్య వచ్చిన సినిమాలు ఫ్లాపులుగా నిలుస్తుండగా.. ఎలాంటి అంచనాలు లేకుండా వచ్చి సెన్సేషన్ క్రియేట్ చేస్తున్న చిత్రాలే ఎక్కువ. అయితే పెద్ద ఎత్తున అంచనాలు నమోదు అయిన ఓ సినిమా థియేటర్లలో విడుదల అయి అట్టర్ ఫ్లాప్ గా నిలిచింది. డిజాస్టర్ కావడమే కాకుండా.. అనేక విషయాల్లో ట్రోలింగ్స్ కు కూడా గురైంది. కానీ తాజాగా ఈ సినిమా ఓ చోట సూపర్ డూపర్ హిట్టుగా నిలుస్తూ సెన్సేషన్ క్రియేట్ చేస్తోంది. ఆ వివరాలు ఏంటో మనం ఇప్పుడు తెలుసుకుందాం.

టాలీవుడ్ యంగ్ అండ్ డైనమిక్ హీరో రామ్ పోతినేని గురించి తెలుగు సినీ ప్రేక్షకులకు ప్రత్యేకంగా చెప్పాల్సిన అవసరం లేదు. ఇస్మార్ట్ శంకర్ సినిమా తర్వాత ఈయన హీరోగా చేసిన ఏ ఒక్క సినిమా కూడా హిట్టుగా నిలవలేదు. ముఖ్యంగా ఇటీవలే వచ్చిన స్కంధ సినిమా ఫ్లాప్ అయింది. ది గ్రేట్ డైరెక్టర్ బోయపాటి శ్రీను డైరెక్షన్ లో వచ్చిన ఈ సినిమాపై పెద్ద ఎత్తున అంచనాలు నమోదు అయ్యాయి. కానీ ఈ చిత్రం మాత్రం థియేటర్ల వద్ద ఆశించిన స్థాయిలో ఆడలేకపోయింది.

పైగా ఈ సినిమాలోనే అనేక సీన్లపై పెద్ద ఎత్తున రచ్చ సాగింది. ఫైట్ సీన్లపై అయితే విపరీతమైన ట్రోలింగ్స్ కూడా వచ్చాయి. జీ స్టూడియోస్, పవన్ కుమార్ సమర్పణలో శ్రీనివాస సిల్వర్‌ స్క్రీన్‌ బ్యానర్‌పై శ్రీనివాస చిట్టూరి ఈ చిత్రాన్ని నిర్మించారు. రామ్ పోతినేని సరసన టాలీవుడ్ మోస్ట్ వాంటెడ్ క్యూట్ బ్యూటీ శ్రీలీల హీరోయిన్ గా నటించింది. ప్రిన్స్ సిసిల్ ప్రధాన పాత్రల్లో నటించిన ఈ సినిమాను.. సెప్టెంబర్‌ 28వ తేదీన తెలుగుతో పాటు హిందీ, కన్నడ, మలయాళ, తమిళ భాషల్లో విడుదల చేశారు.

అయితే థియేటర్ల వద్ద డిజాస్టర్ గా నిలిచిన ఈ సినిమా నవంబర్ 2వ తేదీ నుంచి ప్రముఖ ఓటీటీ సంస్థ అయిన డిస్నీ ప్లస్ హాట్ స్టార్ వేధికగా స్ట్రీమింగ్ అవుతుంది. అయితే ఓటీటీలో కూడా అంతంత మాత్రమే టీఆర్పీని సొంతం చేసుకున్న ఈ సినిమా.. టెలివిజన్ ప్రీమియర్ లో మాత్రం రికార్డు క్రియేట్ చేసింది. ఈ సినిమా శాటిలైట్ హక్కులను దక్కించిన స్టార్ మాలో ఈ చిత్రాన్ని ప్రసారం చేశారు. ఇలా దీనికి 8.4 రేటింగ్ వచ్చింది. గతంలో రామ్ చరణ్ హీరోగా వచ్చిన వినయ విధేయ రామ సినిమా కూడా థియేటర్ల వద్ద ప్లాప్ అయినా.. టీవీల్లో మాత్రం సెన్సేషన్ క్రియేట్ చేసింది.