స్పైడర్ మ్యాన్ ఫ్యాన్స్‌కు గుడ్ న్యూస్.. ఇండియాలో ఒకరోజు ముందుగానే

స్పైడర్ మ్యాన్ అభిమానులకు శుభవార్త. టామ్ హాలెండ్ నటించిన స్పైడర్ మ్యాన్: ఫార్ ఫ్రమ్ హోమ్ అనే సినిమా ఒక రోజు ముందే భారతీయ ప్రేక్షకుల ముందుకు వస్తున్నది. ప్రపంచవ్యాప్తంగా ఈ చిత్రం జూలై 5న రిలీజ్ అవుతుంటే.. భారత్‌లో మాత్రం ఒకరోజు ముందే అంటే జూలై 4వ తేదీనే రిలీజ్ కానున్నది.

స్పైడర్ మ్యాన్: ఫార్ ఫ్రం హోమ్ అనే చిత్రం ఒకరోజు ముందుగానే రిలీజ్ అవుతున్నది. జూలై 4 తేదీన ప్రేక్షకుల ముందుకు వస్తున్నది. జూన్ 30న అడ్వాన్స్ బుకింగ్ మొదలవుతుంది అని ట్రేడ్ అనలిస్ట్ తరుణ్ ఆదర్శ్ ట్వీట్ చేశారు.

స్పైడర్ మ్యాన్: ఫార్ ఫ్రమ్ హోమ్ చిత్రం ఇంగ్లీష్, హిందీ, తమిళ్, తెలుగు భాషల్లో రూపొందుతున్నది. ఈ సూపర్ హీరోకు భారత్‌లో విశేష ఆదరణ ఉంది. ఇప్పటికే ఈ సినిమాపై భారీ అంచనాలు ఉన్నాయి. అందుకే జూలై 4వ తేదీన సినిమాను విడుదల చేస్తున్నాం అని సోనీ పిక్చర్స్ ఎంటర్‌టైన్‌మెంట్ ఇండియా ఎండీ వివేక్ కృష్ణానీ వెల్లడించారు. స్పైడర్ మ్యాన్: ఫార్ ఫ్రమ్ హోమ్ చిత్రం అడ్వాన్స్ బుకింగ్ ఆదివారం ప్రారంభం అవుతుందని తెలిపారు.

కెప్టెన్ అమెరికా చిత్రంలో స్పైడర్ మ్యాన్‌గా టామ్ హాలెండ్ నటించారు. సూపర్ హీరోగా హాలెండ్‌కు ఇదే తొలి చిత్రం కావడం గమనార్హం.
టామ్ హాలెండ్