‘వినయ విధేయ’పై ట్రోలింగ్ ఎఫెక్ట్: ఆ సీన్లు కట్.. చిరంజీవి చూసి ఏమన్నారంటే.. ఇక ఆ భాషల్లోకి చెర్రీ

మలయాళ, తమిళంలోకి

మెగా హీరోలకు మలయాళ, తమిళ భాషల్లో మార్కెట్ పెరుగుతున్న సంగతి తెలిసిందే. ప్రేక్షకుల ఆదరణను దృష్టిలో పెట్టుకొని వినయ విధేయ రామ చిత్రాన్ని ఫిబ్రవరి తొలివారంలో ఈ రెండు భాషల్లో రిలీజ్ చేయనున్నారు. గతంలో మెగా హీరోల సినిమాలు రికార్డు కలెక్షన్లు సాధించిన విషయం తెలిసిందే.

భారీ మొత్తానికి హక్కులు

వినయ విధేయ రామ చిత్రాన్ని ప్రముఖ పంపిణిదారు ప్రకాశ్ ఫిలింస్ రిలీజ్ చేయనున్నది. ఈ సినిమా హక్కులను భారీ మొత్తానికి దక్కించుకొన్నట్టు సమాచారం. ఈ చిత్రాన్ని ఏకకాలంలో మలయాళం, తమిళంలో రిలీజ్ చేయడానికి సిద్ధం చేస్తున్నారు. డబ్బింగ్‌కు సంబంధించిన పోస్ట్ ప్రొడక్షన్ పనులు శరవేగంగా జరుగుతున్నట్టు సమాచారం.

ఆ సీన్లపై భారీగా కత్తెర

వినయ విధేయ రామ చిత్రంలో యాక్షన్ సన్నివేశాలపై నెటిజన్లు సోషల్ మీడియాలో భారీగా దాడి చేశారు. ప్రేక్షకుల నుంచి వస్తున్న వ్యతిరేకతను పరిగణనలోకి తీసుకొని ట్రైన్ సీన్లు, మరికొన్ని సన్నివేశాలను తొలగించినట్టు తెలిసింది. దాంతో సినిమాపై నెగిటివ్ ప్రభావం తగ్గినట్టు తెలుస్తున్నది.

బోయపాటికి చిరంజీవి ప్రశంస

సెకండాఫ్‌లో కొన్ని సీన్లు తొలగించిన తర్వాత ఇటీవల హైదరాబాద్‌లోని ప్రసాద్ ల్యాబ్‌లో మెగాస్టార్ చిరంజీవితో కుటుంబ సభ్యులు వినయ విధేయ రామ సినిమాను వీక్షించారు. ఈ సందర్భంగా దర్శకుడు బోయపాటి శ్రీను టేకింగ్‌, మాస్ ఎలిమెంట్స్‌ను ప్రశంసించారు.