బాలయ్య చేతిలో చీపురుకట్ట.. రూలర్ కాదు క్లీనర్.. నెటిజన్ల ట్రోలింగ్‌తో పోస్టర్ వైరల్

దారుణంగా బెడిసికొట్టిన రూలర్..

జై సింహా కథా పరంగా ఔట్ డేటెడ్ అని అందరూ తేల్చి పడేసినా.. అప్పటి పరిస్థితులకు కమర్షియల్‌గా గట్టెక్కింది. జై సింహానే పాత చింతకాయ పచ్చడి అనుకుంటే.. రూలర్ దాని కంటే నాసిరకంగా తయారైంది. దీంతో రూలర్ నందమూరి అభిమానులను నిండా ముంచేసింది. బాలయ్య లుక్, విగ్‌లపై ఎన్ని రకాల జోకులు, మీమ్స్ సోషల్ మీడియాలో హల్ చల్ చేశాయో ప్రత్యేకంగా చెప్పనక్కర్లేదు.

డిజాస్టర్ దిశగా..

బాలయ్య రూలర్ కలెక్షన్లు చూస్తే ఎవరికైనా మతి పోవాల్సిందే. ఫస్ట్ డే కలెక్షన్లు కాస్త పర్వాలేదనిపించినా.. అక్కడి నుంచి అసలు కథ మొదలైంది. ఈ చిత్రం ఇప్పటి వరకు ప్రపంచవ్యాప్తంగా రూ.8.4 కోట్లు షేర్, రూ.14.80 కోట్ల గ్రాస్ వసూళ్లను రాబట్టిందని సమాచారం. మొత్తంగా 23.75 కోట్ల బిజినెస్ జరిగిన ఈ సినిమాకు.. రూ.24.5 కోట్ల షేర్ రాబట్టాల్సి ఉంది. అంటే ఇంకా 16 కోట్లు వసూలు చేస్తే బ్రేక్ ఈవెన్ అవుతుంది. అయితే ఇది సాధ్యమయ్యేలా కనిపించడం లేదు.

బాలయ్య గెటప్‌పై ట్రోల్స్..

బాలయ్య టోనీ స్కార్ట్ గెటప్, పోలిసాఫీసర్ పాత్రలో విగ్‌లు ఎంతగా వైరల్ అయ్యాయో అందరికీ తెలిసిందే. సాఫ్ట్ వేర్ కంపెనీ సీఈవోగా ఉన్న బాలయ్యను అతి కష్టం మీద చూసిన ప్రేక్షకులు.. ధర్మ పాత్రలోని బాలయ్యను చూసి జీర్ణించుకోలేకపోయారు. అంతలా ఆ గెటప్ అందర్నీ భయపెట్టేసింది. బాలయ్య జూలపాలంపై అంతగా నెగెటివ్ కామెంట్స్ వచ్చాయి.

తాజాగా మరో పోస్టర్..

ప్రస్తుతం బాలయ్య రూలర్‌కు సంబంధించిన ఓ పోస్టర్ సోషల్ మీడియాలో హల్ చల్ చేస్తోంది. రూలర్ చిత్రంలోని ఓ పాటకు బాలయ్య స్టెప్ వేసిన పోస్టర్‌కు చీపురు కట్టను తగిలించారు. అది సరిగ్గా సరిపోవడంతో ట్రోలింగ్స్ మొదలయ్యాయి. రూలర్ కాదు క్లీనర్ అంటూ ట్రోల్స్ చేస్తున్నారు. అసలే కలెక్షనలు లేవని అందరూ దిగాలుగా ఉంటే.. బాక్సాఫీస్ కలెక్షన్లను క్లీన్ చేసే రూలర్ అంటూ మరికొంత మంది కామెంట్లు చేస్తున్నారు.