సినిమా రిలీజ్ విషయంలో నాని బిగ్ సర్‌ప్రైజ్.. ఆమెజాన్ వాళ్ళతో మాట్లాడా అంటూ కీలక ప్రకటన!

నాని బిగ్ సర్‌ప్రైజ్

ఈ మధ్య కాలంలో హీరో నాని సరైన హిట్ లేక ఇబ్బందులు పడుతున్నారు, ఎలా అయినా హిట్ కొట్టాలనే ఉద్దేశంతో 'టక్ జగదీష్' అనే మూవీ చేశారు. రేపు వినాయక చవితి సందర్భంగా విడుదల కాబోతున్న నేపథ్యంలో నాని బిగ్ సర్‌ప్రైజ్ ఇచ్చాడు. నాని హీరోగా శివ నిర్వాణ తెరకెక్కించిన చిత్రమే 'టక్ జగదీష్'. కుటుంబ కథా చిత్రంగా తెరకెక్కిన ఇందులో టాలెంటెడ్ హీరోయిన్లు ఐశ్వర్య రాజేష్, రీతూ వర్మ నటిస్తున్నారు. థమన్ సంగీతం అందిస్తున్న ఈ సినిమాని షైస్ స్క్రీన్స్ బ్యానర్‌పై సాహు గారపాటి, పెద్ది హరీష్ నిర్మిస్తున్నారు.

అంచనాలు రెట్టింపు

నాజర్, జగపతిబాబు, రావు రమేశ్ తదితరులు కీలక పాత్రల్లో నటించిన ఈ సినిమా పూర్తిగా ఫామిలీ ఎంటర్ టైనర్ గా ఉండబోతోంది. ఈ సినిమా నుంచి టీజర్, పోస్టర్లలో ఏకంగా కత్తి పట్టుకుని కనిపించిన నాని అభిమానులతో పాటు ప్రేక్షకులలో కూడా సినిమాపై భారీ స్థాయిలో అంచనాలు ఏర్పడేలా చేసింది. ఇక గతంలో నానితో 'నిన్ను కోరి' వంటి సూపర్ హిట్ తీసిన శివ నిర్వాణ ఇప్పుడు 'టక్ జగదీష్' అనే సినిమాను తెరకెక్కించడంతో ఈ సినిమా మీద అంచనాలు రెట్టింపు అవుతున్నాయి.

అలా వాయిదా

నిజానికి ఎప్పుడో షూటింగ్ పూర్తి చేసుకున్న ఈ సినిమా కరోన తదితర కారణాలతో ప్రేక్షకుల ముందుకు మాత్రం రాలేదు. ఇక మొన్న సమ్మర్‌ లో విడుదల చేస్తున్నట్లు ప్రకటించినా.. కోవిడ్ సెకెండ్ వేవ్ కారణంగా అది సాధ్య పడలేదు. చివరిగా ఈ సినిమా సెప్టెంబర్ 10 నుంచి అమెజాన్‌లో స్ట్రీమింగ్ చేస్తున్నట్లు చిత్ర యూనిట్ ఇటీవలే వెల్లడించింది. 'టక్ జగదీష్' మూవీ స్ట్రీమింగ్ వినాయక చవితి కానుకగా సెప్టెంబర్ 10 కానుందని చిత్ర యూనిట్ ప్రకటించింది, అయితే తాజా సమాచారం ప్రకారం.. దీన్ని ఒక రోజు ముందుగానే అంటే ఈ రోజే విడుదల చేయబోతున్నారు.

ముందే

రాత్రి 10 గంటల నుంచే నాని సినిమా అమెజాన్‌లో స్ట్రీమింగ్ కానుందని ముందు ప్రచారం జరిగినా ఇప్పుడు మారిత ముందే సినిమా రిలీజ్ కాబోతోందని అంటున్నారు. ఇక టక్ జగదీష్ కోసం ఆమెజాన్ తన వ్యూహాన్ని మార్చుకుంది. ఈ సినిమా ప్రీమియర్ ఈరోజు రాత్రి 8 గంటలకు ప్రత్యక్ష ప్రసారం కానుందని అంటున్నారు, ప్రమోషన్స్ లో మాట్లాడుతూ నాని స్వయంగా ఈ విషయాన్ని వెల్లడించాడు.

Recommended Video

Actor Nani Biography వివాదాలను హుందా గా ఎదుర్కున్న స్టార్!! || Filmibeat Telugu

సినిమా చూసి లేవండి

"వారు 10 ఇంటికే విడుదల చేయడం కోసం ప్లాన్ చేశారు. కానీ నేను దాన్ని ముందు చేయమని అమెజాన్ వాళ్ళకు చెప్పాను, టక్ జగదీష్ రాత్రి 8 గంటల నుంచి 8.30 గంటల మధ్య అంటే అనుకున్న దానికంటే ముందే వస్తుందని పేర్కొన్నాడు. ఇక రేపు ఉదయం వినాయక చవితి పూజ కోసం మా సినిమా చూసి పొద్దున్నే లేవవచ్చు అని నాని చెప్పాడు. తమ అభిమాన హీరోను చూడటానికి చాలా ఉత్సాహంగా ఉన్న నాని అభిమానులకు ఇది నిజంగా ఒక ఆనందం కలిగించే వార్త.