ఉమెన్స్ డే స్పెషల్: 'మగువా మగువా' సెన్సేషన్.. రంగంలోకి పవన్ కళ్యాణ్.. ఆడవాళ్ళ గురించి అలా!!

Recommended Video

Maguva Maguva Lyrical Song | Vakeel Saab First Song Out | Filmibeat Telugu

థమన్ హింట్స్.. పవన్ అభిమానుల్లో ఆత్రుత

వకీల్ సాబ్ నుంచి రాబోయే ఈ పాటపై ఎప్పటి నుంచో థమన్ తన ట్వీట్స్ ద్వారా హైప్ క్రియేట్ చేస్తూ వచ్చాడు. రామ జోగయ్య శాస్త్రి అందించిన లిరిక్స్‌పై యువ సంచలనం సిద్ శ్రీరామ్ ఈ ఫస్ట్ సింగిల్‌ను పాడబోతోన్నట్లు హింట్ ఇచ్చాడు. దీంతో ఈ సాంగ్ కోసం పవన్ అభిమానుల్లో ఆత్రుత నెలకొంది.

''మగువా మగువా'' ప్రోమో.. కాసేపట్లోనే!

ఇక ఆత్రుత రెట్టింపయ్యేలా ఇటీవలే ఈ సాంగ్ ప్రోమో రిలీజ్ చేసి మరింత క్యూరియాసిటీ క్రియేట్ చేశారు. ''మగువా మగువా'' అంటూ సాగిపోయిన ఈ సాంగ్ ప్రోమో నెట్టింట తెగ హల్చల్ చేస్తోంది. విడుదలైన కాసేపట్లోనే లక్షల్లో వ్యూస్ రాబట్టి ఫుల్ సాంగ్‌పై భారీ హైప్ తీసుకొచ్చింది.

మగువా మగువా.. లోకానికి తెలుసా నీ విలువా.. ఫుల్ సాంగ్

ఈ నేపథ్యంలో నేడు మహిళా దినోత్సవం (మార్చి 8) సందర్భంగా ఈ ''మగువా మగువా.. లోకానికి తెలుసా నీ విలువా'' ఫుల్ సాంగ్ రిలీజ్ చేశారు. ఊహించినట్లుగానే ఈ సాంగ్ ఆడవాళ్ళ విలువను తెలుపుతూ క్లాస్, మాస్ ఆడియన్స్ అందరినీ ఆకట్టుకునేలా ఉంది. రామ జోగయ్య శాస్త్రి లిరిక్స్, సిధ్ శ్రీరామ్ ఆలాపన ఈ పాటకు ప్రాణం పోశాయి.

సినిమాపై అంచనాలు రెట్టింపు

రాజు - శిరీష్ నిర్మిస్తున్న ఈ 'వకీల్ సాబ్' సినిమాకి బోనీకపూర్, దిల్ రాజు సమర్పకులుగా వ్యవహరిస్తున్నారు. ఇటీవలే విడుదలైన ఈ సినిమా ఫస్ట్ లుక్ పవన్ అభిమానులను అమితంగా ఆకట్టుకుంది. అంతేకాదు పవన్ లుక్ ఒక్కసారిగా సినిమాపై అంచనాలను రెండింతలు చేసింది.

పవన్ సరసన ముగ్గురు భామలు

ఇకపోతే ఈ 'వకీల్ సాబ్' సినిమాకు వేణు శ్రీరామ్ దర్శకత్వం వహిస్తుండగా.. పవన్ సరసన నివేదా థామస్, అనన్య నాగేళ్ల, అంజలి హీరోయిన్లుగా నటిస్తున్నారు. అయితే ఈ ముగ్గురు హీరోయిన్లలో నివేదా థామస్ రోల్ సినిమాకు హైలైట్ కానుందని తెలుస్తోంది. గతంలో ఏ సినిమాలో చూడని విధంగా ఆమె పాత్ర ఉండనుందని సమాచారం.