For Quick Alerts
    ALLOW NOTIFICATIONS  
    For Daily Alerts

    Valimai Postponed ప్రతికూల పరిస్థితుల్లో తప్పడం లేదు.. బోనికపూర్ వెల్లడి

    |

    దేశవ్యాప్తంగా కరోనావైరస్ కేసులు భారీగా పెరిగిపోతుండటంతో పలు రాష్ట్రాల్లో కర్ఫ్యూలు, లాక్‌డౌన్స్ విధిస్తూ ప్రభుత్వాలు నిర్ణయం తీసుకొంటున్నాయి. తమిళనాడు, ఢిల్లీ, కర్ణాటక, బీహార్, హర్యానా లాంటి రాష్ట్రాలు థియేటర్లలో ప్రదర్శనలపై ఆంక్షలు విధిస్తున్నారు. ఈ క్రమంలో సంక్రాంతి రేసులో నిలిచిన చిత్రాలు తమ రిలీజ్‌ను వాయిదా వేసుకొంటున్నాయి. ఈ క్రమంలో ఎట్టి పరిస్థితుల్లో అజిత్ నటించిన వలిమై చిత్రం థియేటర్లలో రిలీజ్ అవుతుందనే వార్తలు గురువారం ఉదయం నుంచి భారీగా పోటెత్తాయి. దాంతో ఈ సినిమా రిలీజ్ అవుతుందా? లేదా అనే విషయంపై సోషల్ మీడియాలో చర్చ భారీగా జరిగింది. వలిమై సినిమా రిలీజ్‌పై వస్తున్న రూమర్లపై నిర్మాత బోనికపూర్ సోషల్ మీడియాలో స్పందించారు. ఈ సినిమా రిలీజ్ క్లారిటీ ఇస్తూ ఓ ప్రకటన చేశారు.

    దేశవ్యాప్తంగా ప్రేక్షకులు ఎదురు చూస్తున్న వలిమై చిత్ర రిలీజ్‌ను వాయిదా వేస్తున్నాం. ఆడియెన్స్, ఫ్యాన్స్ అంటే మాకు ఎల్లప్పడూ అత్యంత గౌరవం. ప్రతికూల సమయంలో వారు ఇచ్చిన బేషరుతుగా ఇచ్చిన సపోర్ట్‌ మాటల్లో చెప్పలేనది. వారి సానుకూలత మాలో ఆశలను రేపింది. అనేక ఒడిదుడుకులను అధిగమించేందుకు తోడ్పాటును అందించింది. అంతేకాకుండా ఈ సినిమా షూటింగును పూర్తి చేసేందుకు మాకు స్పూర్తిని కలిగించింది. అభిమానుల అంచనాలకు తగినట్టే థియేటర్లలో సినిమాను తీసుకొచ్చి సంతోషాన్ని నింపాలనుకొన్నాం.

    Valimai Postponed: Boney Kapoor annonces officially in Twitter

    అయితే వలిమై సినిమాను రిలీజ్ చేయాలనే ఆలోచనతో మేము నిర్ణయం తీసుకొనే ముందు ప్రేక్షకులు, అభిమానుల సేఫ్టిని పరిగణనలోకి తీసుకొన్నాం. తీక్షణంగా ఆలోచించాం. కానీ ప్రపంచవ్యాప్తంగా కోవిడ్ కేసులు భారీగా పెరుగుతున్న నేపథ్యంలో మాలో ఆందోళన మొదలైంది. అధికారుల సూచనలు, ప్రభుత్వ నిబంధనలను అనుసరించి వలిమై సినిమా రిలీజ్‌ను వాయిదా వేస్తున్నాం. సాధారణ పరిస్థితులు నెలకొన్న తర్వాత వలిమైను థియేటర్లలో రిలీజ్ చేస్తాం అని బోని కపూర్ తన సుదీర్గమైన పోస్టులో పేర్కొన్నారు.

    అంతేకాకుండా ప్రేక్షకులు, అభిమానులందరూ వ్యాక్సిన్స్ తీసుకోండి. మాస్క్ తప్పనిసరిగా ధరించండి. సురక్షితం ఉండండి. త్వరలోనే మీ అందర్ని థియేటర్లలో కలుసుకొంటాం అని బోని కపూర్ అన్నారు.

    English summary
    Hero Ajith's Valimai movie release postponed due to Covid 19. Producer Boney Kapoor annonces officially in Twitter and social media.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X