For Quick Alerts
    ALLOW NOTIFICATIONS  
    For Daily Alerts

    షూటింగ్‌కు సిద్ధమైన మహేశ్ డైరెక్టర్: ఆ తరహా కథతో ప్రయోగం చేయబోతున్నాడు

    |

    తెలుగు సినీ ఇండస్ట్రీలో ప్రస్తుతం ఉన్న స్టార్ డైరెక్టర్లలో వంశీ పైడిపల్లి ఒకరు. యంగ్ రెబెల్ స్టార్ ప్రభాస్ చేసిన 'మున్నా' అనే సినిమాతో తెలుగు సినీ ఇండస్ట్రీకి దర్శకుడిగా పరిచయం అయిన ఆయన.. ఆ వెంటనే స్టార్ హీరో జూనియర్ ఎన్టీఆర్ 'బృందావనం' అనే సినిమా చేశాడు. ఇది సూపర్ డూపర్ హిట్ అవడంతో ఈ డైరెక్టర్ బిజీ అయిపోయాడు. ఈ క్రమంలోనే రామ్ చరణ్‌తో 'ఎవడు', నాగార్జున - కార్తీ కాంబినేషన్‌లో 'ఊపిరి' అనే సినిమాలను తెరకెక్కించాడు. ఇక, ఈ మధ్య సూపర్ స్టార్ మహేశ్ బాబు 'మహర్షి' తీసి మరో భారీ విజయాన్ని తన ఖాతాలో వేసుకున్నాడు.

    'మహర్షి' వచ్చి రెండేళ్లు కావొస్తున్నా.. వంశీ పైడిపల్లి తన కొత్త సినిమాను మాత్రం ప్రకటించలేదు. ఆ మధ్య మహేశ్ బాబుతో ప్రాజెక్టు ఉంటుందని ప్రకటించినా.. అది కార్యరూపం దాల్చలేదు. ఈ క్రమంలోనే టాలీవుడ్‌లోని పలువురు స్టార్ హీరోలతో సంప్రదింపులు జరిపిన ఈ డైరెక్టర్.. సినిమాను మాత్రం ప్రారంభించలేకపోయాడు. ఇలాంటి పరిస్థితుల్లో 'సర్కారు వారి పాట' తర్వాత మహేశ్ బాబుతోనే తన తదుపరి సినిమాను చేయబోతున్నాడని జోరుగా ప్రచారం జరుగుతోంది. అయితే, ఈ గ్యాప్‌లో ఓ వెబ్ సిరీస్‌ను తెరకెక్కించబోతున్నాడు ఈ స్టార్ డైరెక్టర్.

    Vamshi Paidipally Web Series Starts From Next Week

    బడా ప్రొడ్యూసర్ అల్లు అరవింద్ ఏర్పాటు చేసిన 'ఆహా' కోసం వంశీ పైడిపల్లి ఓ వెబ్ సిరీస్‌ను రూపొందిస్తున్నట్లు ఇది వరకే ప్రకటించాడు. అందుకు అనుగుణంగానే వచ్చే వారం నుంచి దీన్ని పట్టాలెక్కించబోతున్నాడట ఈ డైరెక్టర్. హైదరాబాద్‌లోని సారథి స్టూడియోలో ఈ సిరీస్ షూటింగ్ జరగనుందని తాజాగా ఓ న్యూస్ ఫిలిం నగర్ ఏరియాలో చక్కర్లు కొడుతోంది. ఇదిలా ఉండగా, ఈ వెబ్ సిరీస్‌ను మాఫియా బ్యాగ్‌డ్రాప్‌లో తెరకెక్కించబోతున్నాడని ఎప్పటి నుంచో వార్తలు వస్తున్నాయి.

    English summary
    Vamshi Paidipally (born 27 July 1978) is an Indian film director and screenwriter known for his works predominantly in Telugu cinema. He is known for directing mainstream works such as Munna (2007), Brindavanam (2010), Yevadu (2014), Oopiri (2016) for which he received the Filmfare Award for Best Director - Telugu and Maharshi (2019).
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X