Don't Miss!
- News పిఠాపురంలో ముద్రగడకు మూడో స్ధానం..! అప్పట్లో వంగా గీత చేతిలో ఓటమి..!
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Sports హేటర్స్ ఎంతకు తెగించారు: చివరికి హార్దిక్ పాండ్యా వైఫ్ను కూడా
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘F3’ ఆ హీరో రోల్ కూడా అదుర్స్: మరో యాంగిల్ చూపించేందుకు డైరెక్టర్ ప్లాన్
తెలుగు సినీ ఇండస్ట్రీలో మల్టీస్టారర్ మూవీలు ఎన్నో వస్తున్నాయి. అందులో చాలా వరకూ విజయాలను అందుకున్నాయి. వాటిలో సీనియర్ హీరో విక్టరీ వెంకటేష్.. మెగా ప్రిన్స్ వరుణ్ తేజ్ కలిసి నటించిన చిత్రం 'F2' (ఫన్ అండ్ ఫ్రస్టేషన్) ఒకటి. బడా ప్రొడ్యూసర్ దిల్ రాజు నిర్మించిన ఈ సినిమాను సక్సెస్ఫుల్ డైరెక్టర్ అనిల్ రావిపూడి తెరకెక్కించాడు. ఇందులో తమన్నా భాటియా, మెహరీన్ హీరోయిన్లు. ఇద్దరు హీరోలు వివాహం తర్వాత ఎదుర్కొన్న పరిస్థితులను ఫన్నీగా చూపిస్తూ ఈ సినిమాను తెరకెక్కించారు. ప్రస్తుతం దీనికి సీక్వెల్ను కూడా తీస్తున్న విషయం తెలిసిందే.
'F2'ను పెళ్లి తర్వాత వచ్చే కష్టాలను వివరిస్తూ తెరకెక్కించగా.. 'F3'ని మాత్రం డబ్బు వల్ల ఒక కుటుంబంలో వచ్చే సమస్యలను గురించి రూపొందిస్తున్నాడు దర్శకుడు అనిల్ రావిపూడి. మొదటి భాగంలో వరుణ్ తేజ్తో పోలిస్తే.. విక్టరీ వెంకటేష్ పాత్రకు ఎక్కువగా కామెడీ టచ్ ఇచ్చాడు. ఇక, రెండో భాగంలోనూ అదే ఫార్ములాను ఫాలో అవుతున్నాడని.. ఇందుకోసం వెంకీ క్యారెక్టర్కు రేచీకటి సమస్య ఉన్నట్లు చూపించబోతున్నాడని జోరుగా ప్రచారం జరుగుతోంది. దీంతో ఈ సినిమాలో మళ్లీ ఆయనే హైలైట్ అవుతాడని అంతా అనుకున్నారు. ఈ నేపథ్యంలో ఓ న్యూస్ బయటికొచ్చింది.
తాజా సమాచారం ప్రకారం.. 'F3'లో వరుణ్ తేజ్ కూడా కామెడీ చేయబోతున్నాడట. ఇందుకోసం అతడికి స్పెషల్ ట్రాక్ను డిజైన్ చేశాడట అనిల్ రావిపూడి. ఇది వెంకటేష్ కంటే ఎక్కువ నవ్విస్తుందని అంటున్నారు. అతడిలోని కొత్త యాంగిల్ను ప్రేక్షకులకు చూపించడంతో పాటు సినిమాకు ప్లస్ అవుతుందనే ఈ నిర్ణయం తీసుకున్నట్లు తెలుస్తోంది. దీంతో 'F3'తో ఇద్దరు హీరోలు ఫుల్ మీల్స్ పెట్టేందుకు సిద్ధం అవుతున్నారని అర్థం అవుతోంది.