హోమ్

లేటేస్ట్ న్యూస్

ఏ సినిమా అయినా విడుదలకు ముందు చేసే ప్రమోషన్స్ ఎంతో ప్రాధాన్యత సంతరించుకుంటాయి. సినిమాను ఏ రేంజ్ ప్రమోట్ చేస్తున్నారనే దాని పైనే కలెక్షన్స్ సైతం ప్రభావితం చూపుతాయి. అందుకే చిత్ర ప్రమోషన్స్ విషయంలో సరికొత్త పద్ధతులకు స్వాగతం పలుకుతున్నారు మేకర్స్. ఈ నేపథ్యంలోనే వరుణ్ తేజ్ కొత్త సినిమా వాల్మీకి చిత్రయూనిట్ ప్రమోషన్స్ పరంగా చాలా స్పీడ్‌గా ఉంది.

ఏకంగా మెట్రో రైల్ పైనే వాల్మీకి సినిమాను పరుగులు పెట్టిస్తున్నారు ఆ చిత్ర దర్శకనిర్మాతలు. తాజాగా ఇందుకు సంబంధించిన ఓ వీడియో సోషల్ మీడియాలో చక్కర్లు కొడుతోంది. ఈ వీడియోలో.. హైదరాబాద్ మెట్రో రైల్‌ మొత్తం కూడా వాల్మీకి పోస్టర్‌లతో నిండి ఉండటం చూసి మురిసిపోతున్నారు మెగా అభిమానులు. మెట్రో పరుగులు పెట్టినట్లు గానే వాల్మీకి కూడా పరుగులు పెట్టేస్తుందని చెప్పుకుంటున్నారు.

#Valmiki outdoor publicity in full swing. Hyderabad Metro Train full stickering 👌🏼👌🏼👌🏼 #Valmiki #ValmikiFromSept20th @IAmVarunTej @harish2you @14ReelsPlus @RaamAchanta pic.twitter.com/prkH0yA8Qm

— Vamsi Shekar (@UrsVamsiShekar) September 17, 2019

మెగా ప్రిన్స్ వరుణ్ తేజ్ హీరోగా హరీష్ శంకర్ దర్శకత్వంలో రూపొందింది 'వాల్మీకి' సినిమా. తమిళంలో విజయవంతమైన 'జిగర్తాండ' సినిమాకి రీమేక్‌గా ఈ సినిమా ప్రేక్షకుల ముందుకు రాబోతోంది. చిత్రంలో వరుణ్ తేజ్ సరసన పూజా హెగ్డే హీరోయిన్‌గా నటించింది. తమిళ నటుడు అథర్వా మురళి విలన్‌గా కనిపించనున్నాడు. 14 రీల్స్ ప్లస్ పతాకంపై రామ్ ఆచంట, గోపీ ఆచంట ఈ చిత్రాన్ని నిర్మించారు. సెప్టెంబర్ 20వ తేదీన ఈ సినిమా విడుదల కానుంది.