వాల్మీకి ట్రైలర్: గద్దలకొండ గణేష్ అంటే గజ గజ వణకాలి.... పెర్ఫార్మెన్స్ ఇరగదీసిన వరుణ్ తేజ్

ట్రైలర్లోనే కథ చెప్పేశాడు

ఈ మధ్య కాలంలో ఇంటిల్లిపాదీ చూసే సినిమాలు ఎక్కడ వస్తున్నాయి అనే డైలాగుతో ట్రైలర్ మొదలైంది. ఒక మంచి సినిమా తీస్తా... ఫాంహౌస్‌లో ఉన్న డాన్‌ను కాదురా, ఫాంలో ఉన్న డాన్‌ను మన సినిమా కోసం వెతికి పట్టుకోవాలి అంటూ ముందు అథర్వ ఎంట్రీ ఇచ్చారు. దీన్ని బట్టి గద్దలకొండ గణేష్ అనే డాన్‌తో సినిమా తీసే ప్రయత్నమే ‘వాల్మీకి' అని స్పష్టమవుతోంది.

పెర్ఫార్మెన్స్ ఇరగదీసిన వరుణ్ తేజ్

గద్దలకొండ గణేష్... నా పైన పందాలేస్తే గెలుస్తరు, నాతో పందాలు వేస్తే చస్తారు... మనం బ్రతుకుతున్నామని పది మందికి తెలియకపోతే ఇక బ్రతుకుడు ఎందుకురా? ఉత్తగీతలే మన చేతిలో ఉంటాయి, రాతలు మన చేతిలో ఉండవు, గద్దల కొండ గణేష్ అంటే గజ గజ గజ వణకాలి అనే డైలాగులతో వరుణ్ తేజ్ పెర్ఫార్మెన్స్ ఇరగదీశారు.

లవ్ ట్రాక్

గవాస్కర్ సిక్స్ కొట్టుడు, బప్పీ లహరి పాట కొట్టుడు, నేను బొక్కలు ఇరగ్గొట్టుడు సేమ్ టు సేమ్.. అంటూ పూజా హెగ్డే, వరుణ్ తేజ్ మధ్య జరిగే లవ్ ట్రాక్ సినిమాలో ఆసక్తికరంగా ఉంటుందని తెలుస్తోంది.

వాల్మీకి టైటిల్ ఎందుకు పెట్టారంటే...

వాల్మీకి... ఒక మామూలు మనిషి మహారుషిగా మారి రామాయణం రాశారు. అందుకే మన సినిమా టైటిల్ వాల్మీకి అని టైటిల్ అనుకుంటున్నామని అధర్వ చెప్పే డైలాగ్ ద్వారా... ఈ మూవీపై ఉన్న వివాదంపై వివరణ ఇచ్చారు.

సాంకేతిక నిపుణులు:
సినిమాటోగ్ర‌ఫీ: ఐనాంక బోస్
ఫైట్స్‌: వెంక‌ట్‌
ఆర్ట్‌: అవినాష్ కొల్ల‌
ఎడిటింగ్‌: ఛోటా కె.ప్ర‌సాద్‌
సంగీతం: మిక్కి జె.మేయ‌ర్‌
నిర్మాత‌లు: రామ్ ఆచంట‌, గోపి ఆచంట‌
స్క్రీన్ ప్లే: మ‌ధు శ్రీనివాస్‌, మిథున్ చైత‌న్య‌
ద‌ర్శ‌క‌త్వం: హ‌రీష్ శంక‌ర్‌.ఎస్‌