హైదరాబాద్‌‌‌లో క్రేజీ బైక్.. వెంకీమామతో నాగచైతన్య కలిసి..

డుకాటీ లగ్జరీ బైక్ గురించి

డుకాటి ఇండియా మేనేజింగ్‌ డైరెక్టర్‌ సెర్జీ కనోవాస్‌ మాట్లాడుతూ - ''ఈ స్క్రాంబ్లర్‌ శ్రేణిని దేశంలో ఎక్కువమంది అభిమానిస్తారు. ఇండియాలో ఎక్కువగా అమ్ముడవుతున్న ఈ డుకాటి ఫ్యామిలీ స్క్రాంబ్లర్‌ యాక్సెసబుల్‌ శక్తి, అత్యున్నత నియంత్రణను కలిగి ఉంటుంది. ఏ తరహా రోడ్లపై అయినా దీనిపై ప్రయాణం సుఖవంతంగా ఉంటుంది. ఈ సంవత్సరం మేం మొత్తం శ్రేణిని అత్యాధునికంగా తీర్చిదిద్దాం అని తెలిపారు.

సరికొత్త జీవనశైలితో

నూతన లైనప్‌ స్వేచ్ఛాయుత ధోరణితో సాంస్కృతిక ఉద్యమానికి ప్రతీకగా నిలుస్తుంది. డుకాటి స్క్రాంబ్లర్‌ కేవలం బైక్‌ మాత్రమే కాదు.. ఇది పూర్తి సరికొత్త జీవనశైలి. పూర్తిగా అంకితం చేయబడిన అప్పెరల్‌ మరియు యాక్సెసరీలు దీనిలో ఉన్నాయి. ఈ సంవత్సరంలో మా మొట్టమొదటి ఉత్పత్తి ఆవిష్కరణ ఇది. భారతదేశంలో మా నూతన స్క్రాంబ్లర్‌ శ్రేణి పరిచయం చేయడం పట్ల ఆనందంగా ఉన్నాం అని సెర్జీ కనోవాస్‌ అన్నారు.

వెంకటేష్, నాగచైతన్య‌కు కృతజ్ఞతలు

ఎస్‌ అండ్‌ ఎస్‌ ఆటోనేషన్‌, డీలర్‌ ప్రిన్సిపల్‌ కోటి పరుచూరి మాట్లాడుతూ - ''మా షోరూమ్‌ను ప్రారంభించిన విక్టరీ వెంకటేష్‌, అక్కినేని నాగచైతన్యకు కృతజ్ఞతలు. డుకాటి నాకు చిన్నప్పటి నుండి ఒక యాస్పిరేషనల్‌ బ్రాండ్‌గా ఉండేది. అన్ని విభాగాల్లో అగ్రగామిగా వెలుగొందుతున్న డుకాటి ఇండియాలో 9వ షోరూమ్‌ను హైదరాబాద్‌లో ప్రారంభించడానికి సహకరించిన డుకాటి ఇండియా మేనేజింగ్‌ డైరెక్టర్‌ సెర్జీ కనోవాస్‌గారికి ధన్యవాదాలు అని అన్నారు.

డుకాటీ బైక్ ఎలా ఉంటుందంటే

సుప్రసిద్ధ డుకాటీ సిరీస్‌ మరింత సమకాలీనంగా, మరింత సౌకర్యవంతంగా, సురక్షితంగా ఉండటంతో పాటుగా మరింత స్వేచ్ఛాయుత వినోద ప్రపంచానికి తోడ్కొని పోతుంది. ఈ అత్యాధునిక 'జాయ్‌వోల్యూషన్‌' మోటార్‌ సైకిల్‌ యొక్క సంపూర్ణ సారాంశం కలిగి ఉండి, దీని ద్విచక్రాలు, పెద్ద హ్యాండిల్‌ బార్‌, సరళమైనప్పటికీ శక్తివంతమైన ఇంజిన్‌ మరియు పూర్తి వినోదాన్ని అందిస్తుంది అని కోటి పరుచూరి తెలిపారు.