నవ్వించి చంపేలా ఉన్నారే! ‘ఎఫ్ 2’ ట్రైలర్లో వెంకీ, వరుణ్ కామెడీ కేక!

వెంకీ డైలాగ్ డెలివరీ కేక...

వెంకీ ఈ చిత్రంలో తనదైన శైలిలో డైలాగ్ డెలివరీ చేస్తూ, భిన్నమైన ఎక్స్ ప్రెషన్స్‌తో... ప్రేక్షకులకు వినోదం పంచనున్నారు. "ఆమెను అట్టా ఏడిపించక పోతే కడుపులో ఒక కాయ కాయించొచ్చుకదా" అనే డైలాగ్‌కు వెంకీ కౌంటర్ ఇస్తూ "24 గంటలు మీరు నా కొంపలో ఏడుస్తూ కూర్చుంటే కాయలెక్కడ కాస్తాయి మీ తలకాయ్" అని చెప్పడం ప్రేక్షకులను తెగ నవ్వించింది. ‘‘లేడీస్ చాలా ఈజీగా నమ్మేది చాడీస్'' లాంటి డైలాగులు ఆకట్టుకుంటున్నాయి.

మీరు మగాళ్లు రా బై...

‘‘ఇంత లత్కోర్ పంచాయితీల కూడా మీ దాంపత్య జీవితం సాఫీగా సాగిస్తున్నారంటే.. అరేయ్ మగాళ్లు.. మీరు మగాళ్లురా బై'' అంటూ ప్రియదర్శి చెప్పిన డైలాగ్ ట్రైలర్లో బాగా హైలెట్ అయింది. ఇటు యూత్‌తో పాటు అటు ఫ్యామిలీ ప్రేక్షకులను ఆకట్టుకునే విధంగా ట్రైలర్ ఉండబోతోందని స్పష్టం అవుతోంది.

తమన్నా, మెహ్రీన్ గ్లామర్

అటు వెంకీ, వరుణ్ తేజ్ తమ కామెడీతో నవ్విస్తుంటే... ఇటు తమన్నా, మెహ్రీన్ తమ గ్లామర్‌తో ప్రేక్షకులను ఎంటర్టెన్ చేయబోతున్నారు. దర్శకుడు అనిల్ రావిపూడి ఈ ఇద్దరినీ గ్లామర్ పరంగా ది బెస్ట్ అనేలా ప్రజంట్ చేశారు.

పండక్కి నవ్వించడం ఖాయం

‘ఎఫ్ 2' ట్రైలర్ చూస్తే ఈ పండక్కి మీరు కడుపుబ్బా నవ్వుకోవడం ఖాయంగా కనిపిస్తోంది. ఇంకెందుకు ఆలస్యం... ట్రైలర్ పై మీరూ ఓ లుక్కేయండి.