For Quick Alerts
    ALLOW NOTIFICATIONS  
    For Daily Alerts

    సాంగ్ షూట్‌లో మామ అల్లుడు.. ఇరగదీస్తున్న వెంకీ, చైతూ.. వైరల్ లుక్

    |

    రియల్ లైఫ్‌ మామా అల్లుళ్లు వెంకటేష్, నాగ చైతన్య రీల్ లైఫ్ మామా అల్లుళ్లుగా మారబోతున్న సంగతి తెలిసిందే. వాళ్ల రిలేషన్ ఫోకస్ అయ్యేలా ఈ సినిమాకు 'వెంకీమామ' అనే ఆసక్తికర టైటిల్ ఫిక్స్ చేశారు మేకర్స్. ప్రస్తుతం శరవేగంగా షూటింగ్ జరుపుకుంటున్న ఈ సినిమా నుంచి సరికొత్త అప్‌డేట్స్ ఇస్తూ 'వెంకీమామ' పై హైప్ క్రియేట్ చేస్తోంది చిత్రయూనిట్. ఈ నేపధ్యంలోనే తాజాగా విడుదల చేసిన ఓ పోస్టర్ నెట్టింట వైరల్‌గా మారింది.

    ఈ పోస్టర్లో వెంకటేష్, నాగ చైతన్య ఇద్దరూ పంచెకట్టు, మెరూన్ కలర్ షర్టు ధరించి అచ్చమైన తెలుగు మామాఅల్లుళ్లుగా కనిపిస్తున్నారు. సాంగ్ షూట్‌లో భాగంగా సంతలో ఒక బెంచిపై కూర్చున్న ఆ ఇద్దరి ముఖంలో కనిపిస్తున్న నవ్వులు అక్కినేని, దగ్గుబాటి అభిమానులను ఖుషీ చేస్తున్నాయి. చైతూ అయితే మావయ్య వెంకటేష్ మీద చెయ్యేసి మరీ నవ్వుతున్నాడు. గతంలో రిలీజ్ చేసిన పోస్టర్లతో పోలిస్తే ఈ పోస్టర్ మరింత బ్రైట్‌గా ఉండటంతో సోషల్ మీడియాలో వైరల్‌ అయింది.

    Venky Mama New Poster Viral On Social Media

    'వెంకీమామ' సినిమాలో ఆడియన్స్‌ని ఫుల్లుగా ఎంటర్‌టైన్ చేసే కామెడీ సన్నివేశాలు పుష్కలంగా ఉంటాయని తెలుస్తోంది. చిత్రంలో వెంకటేష్ సరసన పాయల్ రాజ్‌పుత్ నటిస్తుండగా, నాగచైతన్య సరసన రాశీ ఖన్నా నటిస్తోంది. ఈ మల్టీస్టారర్ సినిమాకు డైరెక్టర్ బాబీ (కెఎస్ రవీంద్ర) దర్శకత్వం వహిస్తున్నారు. దేవి శ్రీ ప్రసాద్, థమన్ సంయుక్తంగా బాణీలు కడుతున్న ఈ సినిమాపై ప్రేక్షకుల్లో అంచనాలున్నాయి.

    English summary
    Daggubati Venkatesh and Naga Chaitanya playing lead roles in Venky Mama movie. Now this movie new poster released.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X