యంగ్ హీరోయిన్‌తో రెచ్చిపోయిన వెంకటేష్.. హైపర్ ఆదికి ఆ సీక్రెట్ చెప్పేసిన నాగచైతన్య

రియల్ లైఫ్‌.. రీల్ లైఫ్

రియల్ లైఫ్‌ మామా అల్లుళ్లు వెంకటేష్, నాగ చైతన్య రీల్ లైఫ్ మామా అల్లుళ్లుగా మారబోతున్న సంగతి తెలిసిందే. వాళ్ల రిలేషన్ ఫోకస్ అయ్యేలా ఈ సినిమాకు ‘వెంకీమామ' అనే ఆసక్తికర టైటిల్ ఫిక్స్ చేశారు మేకర్స్. ప్రస్తుతం శరవేగంగా షూటింగ్ జరుపుకుంటున్న ఈ సినిమా నుంచి సరికొత్త అప్‌డేట్స్ ఇస్తూ ‘వెంకీమామ' పై హైప్ క్రియేట్ చేస్తోంది చిత్రయూనిట్.

వెంకటేష్, పాయల్ రాజ్‌పుత్ రొమాంటిక్ క్లిప్పింగ్స్

ఈ నేపథ్యంలోనే తాజాగా విడుదల చేసిన లిరికల్ సాంగ్ నెట్టింట వైరల్ అవుతోంది. ఎన్నాళ్ళకో అంటూ సాగిపోతున్న ఈ లిరికల్ వీడియో మొదట హైపర్ ఆది, నాగచైతన్య సీన్ తో మొదలై రక్తి కట్టిస్తోంది. ఈ ముళ్లేదో 20 ఏళ్ల క్రితమే గుచ్చుకొని ఉంటే.. అంటూ నాగచైతన్య, హైపర్ ఆదితో అనడం.. ఆ వెంటనే వెంకటేష్, పాయల్ రాజ్‌పుత్ రొమాంటిక్ క్లిప్పింగ్స్ రావడం ప్రేక్షకులకు స్పెషల్ కిక్ ఇచ్చింది.

నెట్టింట వైరల్.. వెంకీమామ స్టామినా

శ్రీ మణి అందించిన లిరిక్స్ పై పృథ్వి చంద్ర ఈ సాంగ్ ఆలపించారు. థమన్ సంగీతం అందించాడు. వెంకటేష్, పాయల్ రాజ్‌పుత్ రొమాంటిక్ క్లిప్పింగ్స్ చూపిస్తూ ఈ లిరికల్ సాంగ్ కట్ చేశారు. దీంతో ఈ పాట నెట్టింట వైరల్‌గా మారింది. వేగంగా వ్యూస్ రాబడుతూ వెంకీ మామ స్టామినా చెప్పకనే చెబుతోంది.

Recommended Video

#CineBox : Mahesh Babu Sarileru Neekevvaru Movie Updates !

ఆడియన్స్‌ని ఫుల్లుగా ఎంటర్‌టైన్ చేసే విధంగా

ఇకపోతే ‘వెంకీమామ' సినిమాలో ఆడియన్స్‌ని ఫుల్లుగా ఎంటర్‌టైన్ చేసే కామెడీ సన్నివేశాలు పుష్కలంగా ఉంటాయని తెలుస్తోంది. చిత్రంలో వెంకటేష్ సరసన పాయల్ రాజ్‌పుత్ నటిస్తుండగా, నాగచైతన్య సరసన రాశీ ఖన్నా నటిస్తోంది. ఈ మల్టీస్టారర్ సినిమాకు డైరెక్టర్ బాబీ (కెఎస్ రవీంద్ర) దర్శకత్వం వహిస్తున్నారు. దేవి శ్రీ ప్రసాద్, థమన్ సంయుక్తంగా బాణీలు కడుతున్న ఈ సినిమాపై ప్రేక్షకుల్లో
భారీ అంచనాలున్నాయి.