Don't Miss!
- News కర్ణాటకలో నేడు పోలింగ్ జరిగే లోక్సభ నియోజకవర్గాలు ఇవే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రవితేజ సినిమాలో ఒకప్పటి టాలీవుడ్ హీరో: రామారావు కోసం డ్యూటీలోకి
ఈ ఏడాది ఆరంభంలో 'క్రాక్' వంటి భారీ హిట్ను అందుకుని మళ్లీ ట్రాకులోకి వచ్చాడు మాస్ మహారాజా రవితేజ. ఈ సక్సెస్ఫుల్ మూవీ తర్వాత అతడు నటిస్తోన్న చిత్రం 'రామారావు ఆన్ డ్యూటీ'. శరత్ మందవ అనే డైరెక్టర్ తెరకెక్కిస్తోన్న ఈ సినిమా షూటింగ్ శరవేగంగా సాగుతోంది. ఇప్పటికే చాలా వరకూ చిత్రీకరణ కూడా జరిగిపోయింది. సందేశాత్మక కథతో రాబోతున్న ఈ సినిమాకు సంబంధించిన ఫస్ట్ లుక్ పోస్టర్కు భారీ స్థాయిలో రెస్పాన్స్ వచ్చింది. దీంతో దీనిపై అంచనాలు పెరిగిపోయాయి. ఈ నేపథ్యంలో తాజాగా ఈ మూవీ నుంచి అదిరిపోయే ప్రకటన వెలువడింది.
రవితేజ హీరోగా శరత్ మందవ తెరకెక్కిస్తోన్న 'రామారావు ఆన్ డ్యూటీ' మూవీలో సీనియర్ హీరో వేణు తొట్టెంపూడి నటిస్తున్నట్లు చిత్ర యూనిట్ కొద్ది సేపటి క్రితమే అధికారికంగా ప్రకటించింది. ఈ మేరకు అతడికి స్వాగతం పలుకుతూ ఓ పోస్టర్ను వదిలారు. గతంలో వరుస సినిమాలతో తెలుగు ప్రేక్షకులను అలరించిన అతడు.. చాలా కాలంగా పరిశ్రమకు దూరంగా ఉంటున్నాడు. ఈ క్రమంలోనే ఇప్పుడు రవితేజ మూవీతో రీఎంట్రీ ఇస్తున్నాడు. ఇక, ఇందులో అతడి పాత్ర ఎంతో కీలకంగా ఉంటుందన్న టాక్ వినిపిస్తోంది. అందుకే ఈ చిత్రానికి గ్రీన్ సిగ్నల్ ఇచ్చాడని ప్రచారం జరుగుతోంది.
ఎంతో ప్రతిష్టాత్మకంగా రూపొందుతోన్న 'రామారావు ఆన్ డ్యూటీ' సినిమాలో మాస్ మహారాజా రవితేజ డిప్యూటీ కలెక్టర్గా నటిస్తున్నట్లు వార్తలు వస్తున్నాయి. ఇప్పటికే విడుదలైన పోస్టర్లు సినిమాపై బజ్ను అమాంతం పెంచేశాయి. ఈ చిత్రంలో ఏకంగా ఇద్దరు హీరోయిన్లు దివ్యాన్షా కౌశిక్, రజిషా విజయన్ నటిస్తున్న విషయం తెలిసిందే. ఇక, ఈ సినిమాను శ్రీ లక్ష్మీ వెంకటేశ్వర సినిమాస్ బ్యానర్పై సుధాకర్ చెరుకూరి నిర్మిస్తున్నారు. ఈ చిత్రానికి సామ్ సీఎస్ సంగీతం అందిస్తున్నాడు.