సుకుమార్ ప్రాజెక్ట్ పై విజయ్ దేవరకొండ క్లారిటీ.. పుష్ప 2 తర్వాత ర్యాంపేజ్ అంటూ..

పాన్ ఇండియా ఫార్మాట్

టాలీవుడ్ సినిమా ఇండస్ట్రీలో ప్రస్తుతం స్టార్ హీరోలు చాలా వరకు పాన్ ఇండియా ఫార్మాట్ లోనే సినిమాలు చేసేందుకు ఇష్టపడుతున్నారు. అంచనాలకు ఏ మాత్రం తక్కువ కాకుండా వీలైనంత వరకు సౌత్ నార్త్ లో సినిమాలను భారీ స్థాయిలో విడుదల చేయాలని ఆలోచిస్తున్నారు. ఇక దర్శకులు కూడా అదే తరహాలో ముందుకి సాగుతున్నారు.

బ్యాక్ గ్రౌండ్ లేకుండా

ఎలాంటి బ్యాక్ గ్రౌండ్ లేకుండా తనకంటూ ఒక స్థాయిని ఏర్పరచుకున్న దేవరకొండ విజయ్ చూస్తుండగానే ఒక క్యారెక్టర్ ఆర్టిస్ట్ నుంచి పాన్ ఇండియా రేంజ్ వరకు వచ్చేశాడు. ఇక తప్పకుండా అతను అంచనాలకు తగ్గట్టుగా పాన్ ఇండియా రూట్లో కూడా మంచి సక్సెస్ అందుకుంటాడు అని అర్ధమవుతోంది.

ఫస్ట్ గ్లింప్స్ తోనే

డేరింగ్ అండ్ డ్యాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కుతున్న లైగర్ సినిమాపై అంచనాలు ఏ స్థాయిలో ఉన్నాయో ప్రత్యేకంగా చెప్పనవసరం లేదు. అయితే ఆ సినిమా తప్పకుండా బాక్సాఫీస్ వద్ద సరికొత్త రికార్డులను బ్రకే చేసేలా ఉంటుందని ఇటీవల విడుదలైన ఫస్ట్ గ్లింప్స్ తోనే ఒక క్లారిటీ వచ్చేసింది.

పూరి తరువాత సుకుమార్ తో

అయితే మిగతా స్టార్ హీరోల మాదిరిగానే విజయ్ దేవరకొండ కూడా తన తదుపరి సినిమాలను కూడా పాన్ ఇండియా రేంజ్ లోనే కొనసాగించనున్నట్లు ఒక క్లారిటీ అయితే ఇచ్చేశాడు. పూరి జగన్నాథ్ తరువాత క్రియేటివ్ డైరెక్టర్ సుకుమార్ తో మరో భారీ బడ్జెట్ సినిమా చేయబోతున్న విషయం తెలిసిందే.

బర్త్ డే విషెస్ అందిస్తూ..

మంగళవారం సుకుమార్ పుట్టినరోజు సందర్భంగా ప్రత్యేకంగా విషెస్ అందిస్తూ విజయ్ సోషల్ మీడియాలో ఒక పోస్ట్ చేశాడు. మీరు ఎల్లప్పుడూ ఆరోగ్యంగా ఆనందంగా వుండాలని మొరుకుంటున్నాను అంటూ.. మీతో సినిమా చేసేందుకు ఎంతో ఆతృతగా ఎదురుచూస్తున్నాను అని విజయ్ వివరణ ఇచ్చారు.

2023లో ద ర్యాంపేజ్

అంతే కాకుండా సుకుమార్ ఇటీవల దిగిన ఒక ప్రత్యేకమైన ఫొటోను కూడా సుకుమార్ తన సోషల్ మీడియాలో షేర్ చేసుకున్నాడు. ఇక 2021లో ద రైస్, 2022 లో ది రూల్, 2023లో ద ర్యాంపేజ్ అని తన ప్రాజెక్ట్ పై కూడా ఒక క్లారిటీ ఇచ్చేశాడు. అంటే వీరి కలయికలో వచ్చే ఏడాది సినిమా రాబోతున్నట్లు ఒక వివరణ ఇచ్చేశాడు. మరి సుకుమార్ విజయ్ తో అనుకున్న సమయానికి సినిమాను ఫినిష్ చేస్తాడో లేదో చూడాలి.