Don't Miss!
- Finance Ambani-Adani: చేతులు కలిపిన అంబానీ-అదానీ.. 20 ఏళ్లకు అగ్రిమెంట్.. ఆ స్టాక్ దూకుడు..
- Automobiles హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- Sports హార్దిక్పై కోపంగా మలింగ.. కారణమదేనా? Video
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- News బీజేపీకి అనపర్తి సీటు కేటాయింపు వెనుక వైసీపీ..!?
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
విజయ్ దేవరకొండ సినిమాపై షాకింగ్ అప్డేట్: అలా అయితే ఇప్పట్లో కష్టమే
'పెళ్లి చూపులు' అనే సినిమాతో హీరోగా పరిచయమై.. 'అర్జున్ రెడ్డి'తో తెలుగు రాష్ట్రాల్లో ఎనలేని క్రేజ్ను సంపాదించుకున్నాడు క్రేజీ స్టార్ విజయ్ దేవరకొండ. కెరీర్ ఆరంభంలోనే భారీ విజయాలను అందుకున్న ఈ కుర్ర హీరో.. ఇటీవలి కాలంలో 'డియర్ కామ్రేడ్', 'వరల్డ్ ఫేమస్ లవర్' వరుస పరాజయాలను చవి చూశాడు. ఈ క్రమంలోనే అతడు ప్రస్తుతం డైనమిక్ డైరెక్టర్ పూరీ జగన్నాథ్ తెరకెక్కిస్తున్న 'ఫైటర్'లో నటిస్తున్నాడు. పాన్ ఇండియా రేంజ్లో రాబోతున్న ఈ సినిమాను పూరీ, ఛార్మీలతో పాటు బాలీవుడ్ ఫిల్మ్ మేకర్ కరణ్ జోహార్ నిర్మిస్తున్నాడు.
మార్షల్ ఆర్ట్స్ నేపథ్యంతో సాగే ఈ సినిమా షూటింగ్ ఎప్పుడో ప్రారంభం అయింది. ముంబైలో వేసిన ప్రత్యేకమైన సెట్లో కీలకమైన పార్ట్ను చిత్రీకరించారు. అయితే, కరోనా వైరస్ ప్రభావంతో సినిమా షూటింగ్కు అంతరాయం ఏర్పడింది. ఇలాంటి పరిస్థితుల్లో డిసెంబర్ రెండో వారం నుంచి చిత్రీకరణ పున: ప్రారంభించాలని చిత్ర యూనిట్ డిసైడ్ అయింది. తాజా సమాచారం ప్రకారం.. ఇది మరోసారి వాయిదా పడిందట. ముంబైలో పరిస్థితులు ఇంకా సర్ధుబాటు కాకపోవడంతో, జనవరి ఫస్ట్ వీక్ నుంచి షూటింగ్ మొదలెట్టాలని నిర్ణయించుకున్నాడట పూరీ జగన్నాథ్. అదే జరిగితే సినిమా విడుదల కూడా మరింత ఆలస్యం అయ్యే అవకాశాలు ఉన్నాయి.
ఎంతో ప్రతిష్టాత్మకంగా రూపొందుతోన్న ఈ సినిమాలో విజయ్ దేవరకొండ ఫైటర్గా కనిపించబోతున్నాడట. అలాగే, మరో ముఖ్యమైన రోల్లోనూ నటిస్తున్నట్లు వార్తలు వస్తున్నాయి. ఈ సినిమాకు 'లైగర్' అనే టైటిల్ ఫిక్స్ చేయబోతున్నట్లు కూడా ప్రచారం జరుగుతోంది. ఇక, ఈ మూవీలో బాలీవుడ్ బ్యూటీ అనన్య పాండే హీరోయిన్గా నటిస్తుండగా, సీనియర్ హీరోయిన్ రమ్యకృష్ణ కీలక పాత్రను పోషిస్తున్నారు. వీళ్లతో పాటు మరికొందరు బాలీవుడ్, కోలీవుడ్, మాలీవుడ్ పరిశ్రమలకు చెందిన ప్రముఖులు నటిస్తున్నట్లు వార్తలు వస్తున్నాయి.