హోమ్

లేటేస్ట్ న్యూస్

రౌడీ స్టార్ విజయ్ దేవరకొండ, యంగ్ లేడీ ఇజబెల్ లీట్ ఇద్దరూ కలిసి తెగ ఎంజాయ్ చేస్తున్న పిక్ ఒకటి సోషల్ మీడియాలో తెగ వైరల్ అవుతోంది. ఈ పిక్ లో నాలుక బయటకెళ్లబెట్టి విజయ్ దేవరకొండ, ఇజబెల్ లీట్ ఫుల్ జోష్‌లో కనిపిస్తున్నారు. ఫ్రాన్స్ లోని ఓ అందమైన ప్రదేశంలో ఈ పిక్ కెమెరా లెన్స్‌కి చిక్కింది. కాగా ఈ ఫోటోని ఇజబెల్ లీట్ స్వయంగా తన సోషల్ మీడియా ఖాతాలో పోస్ట్ చేస్తూ అన్నీ కొత్త అనుభవాలే.. అని పేర్కొనడం గమనార్హం.

వరుస విజయాలతో దూసుకుపోతున్న విజయ్ దేవరకొండ మరికొద్ది రోజుల్లోనే దియా కామ్రేడ్ సినిమాతో ప్రేక్షకుల ముందుకు రానున్నాడు. ఈ సినిమాతో పాటు మరో రెండు సినిమాలు చేస్తున్నాడు విజయ్. అందులో ఒకటి క్రాంతిమాధ‌వ్ ద‌ర్శ‌క‌త్వంలో రూపొందుతోంది. కె.ఎస్‌.రామారావు స‌మ‌ర్ప‌ణ‌లో క్రియేటివ్ క‌మ‌ర్షియల్స్ బ్యాన‌ర్‌పై కె.ఎ.వ‌ల్ల‌భ ఈ చిత్రాన్నినిర్మిస్తున్నారు. చిత్రంలో విజయ్ దేవరకొండతో రొమాన్స్ చేసేందుకు ఏకంగా ముగ్గురు అందాల భామలు ఎన్నికవడం విశేషం. ఇటీవలే ఈ సినిమా షూటింగ్ ఫ్రాన్స్‌లో ప్రారంభమైంది. ఇక్కడే లాంగ్ షెడ్యూల్ చిత్రీకరణ జరుగనుంది.

View this post on Instagram

lucky me to have this rowdy as my co star! 🤘🏼🤪 @thedeverakonda 🇫🇷

A post shared by Izabelle Leite 🌻 (@xoizaleite) on Jun 20, 2019 at 4:39am PDT

అయితే తాజాగా ఆ ముగ్గురు హీరోయిన్లలో ఒకరైన ఇజబెల్ లీట్.. తాను హీరో విజయ్ దేవరకొండతో సరదాగా గడిపిన క్షణం తాలూకు పిక్ ఒకటి షేర్ చేసింది. ఈ మేరకు 'ఈ రౌడీ నాకు కో-స్టార్.. నేనెంతో లక్కీ' అనే కాప్షన్ కూడా జతచేసింది. ''ఫ్రాన్స్‌లో గడిపిన ఆ సమయం ఎంతో అద్భుతం. అక్కడ అన్నీ కొత్త అనుభవాలే. నేను నిజంగా చాలా అదృష్టవంతురాలిని. అప్పుడే వాటిని మిస్ అవుతున్నా. ప్రస్తుతం నా కుటుంబంతో గడిపేందుకు బ్రెజిల్ చేరుకున్నాను'' అని ఈ సందర్భంగా ఇజబెల్ లీట్ తెలిపింది. ప్రస్తుతం ఈ పిక్ సోషల్ మీడియాలో వైరల్ అవుతోంది.

ఇజబెల్ లీట్ ఈ సినిమాతోనే టాలీవుడ్ ఆరంగేట్రం చేస్తోంది. ఈ సినిమాలో విజయ్ దేవరకొండ ఓ రైటర్ గా కనిపిస్తాడట. మూడు కథలు ప్రేక్షకులకు చెబుతూ ఆ మూడింటిలోనూ తనే కథానాయకుడిగా కనిపించడం ఈ చిత్రం లోని అసలు ట్విస్ట్ అని అంటున్నారు. శరవేగంగా షూటింగ్ జరుపుకుంటున్న ఈ సినిమాకు ఇంకా టైటిల్ ఫిక్స్ చేయలేదు. చిత్రంలో విజయ్ దేవరకొండ సరసన రాశి ఖన్నా, ఐశ్వర్య రాజేష్, ఇజబెల్ లీట్ నటిస్తున్నారు.