నాకు నలుగురు లవర్స్.. ఆ ఫోటోలు మీ ముందుంచుతా.. విజయ్ దేవరకొండ ఓపెన్ స్టేట్‌మెంట్

విజయ్ దేవరకొండ 'వ‌రల్డ్ ఫేమస్ ల‌వ‌ర్‌'

విజ‌య్ దేవ‌ర‌కొండ హీరోగా రూపొందుతోన్న రొమాంటిక్ ఎంట‌ర్‌టైన‌ర్ మూవీ ‘వ‌రల్డ్ ఫేమస్ ల‌వ‌ర్‌'. క్రాంతి మాధవ్ దర్శకత్వంలో తెరకెక్కుతున్న ఈ సినిమా షూటింగ్ శరవేగంగా సాగుతోంది. ప్రస్తుతం ఈ షూటింగ్ చివరిదశకు చేరుకున్నట్లు సమాచారం. ఈ సినిమా నుంచి ఇటీవలే విడుదలైన లుక్స్ ప్రేక్షకుల నుంచి విశేష స్పందన తెచ్చుకున్నాయి.

నలుగురు అందాల భామలతో రొమాన్స్

చిత్రంలో విజయ్ దేవరకొండ సరసన నలుగురు అందాల భామలు నటిస్తున్నారు. రాశీఖ‌న్నా, ఐశ్వ‌ర్యా రాజేశ్‌, క్యాథ‌రిన్ ట్రెసా, ఇజాబెల్లా ఈ నలుగురూ మన క్రేజీ స్టార్‌తో రొమాన్స్ చేస్తున్నారు. వీళ్లందరితో మనోడు చేసే రొమాన్స్ ఈ సినిమాలో హైలైట్ కానుందని సమాచారం. యూత్‌లో మంచి క్రేజ్ ఉన్న హీరో కావడం పైగా నలుగురు అందాల భామలతో రొమాన్స్ అనేసరికి ఈ సినిమాపై భారీ హైప్ క్రియేట్ అయింది.

నాలుగు రోజుల్లో వరుసగా నలుగురు లవర్స్

ఈ నేపథ్యంలో చిత్ర ప్రమోషన్స్‌లో భాగంగా తన నలుగురు లవర్స్‌ని పరిచయం చేయబోతున్నాడట విజయ్ దేవరకొండ. ఈ మేరకు ఈ విషయాన్ని తెలుపుతూ సోషల్ మీడియాలో పోస్ట్ పెట్టాడు. నాలుగు రోజుల్లో వరుసగా నలుగురు లవర్స్ పోస్టర్స్ మీ ముందుంచుతానని ఆయన తెలిపాడు. సరికొత్తగా ఇలా విజయ్ చేస్తున్న ప్రమోషన్ చూసి వావ్! అంటున్నారు నెటిజన్లు.

తేదీలు వేరైనా ముహూర్తం ఒకటే

ఈ మేరకు డిసెంబ‌ర్ 12న ఐశ్వర్యా రాజేష్‌, డిసెంబ‌ర్ 13న ఇజా బెల్లా, డిసెంబ‌ర్ 14న క్యాథరిన్ త్రెసా, డిసెంబ‌ర్ 15న రాశీఖ‌న్నాల‌ పోస్టర్స్ విడుదల చేయనున్నామని తెలిపాడు విజయ్ దేవరకొండ. అయితే ఈ నలుగురికీ తేదీలు వేరైనా ముహూర్తం మాత్రం ఓకే సమయానికి పెట్టడం విశేషం. ఆ నాలుగు రోజులు సాయంత్రం 6:03 కు ఈ పోస్టర్స్ రిలీజ్ చేయనున్నారు.

Recommended Video

CineBox: Mahesh Babu To Play Gangster | 90ML Movie Review | Disco Raja Teaser Review

కథలోని పాత్రలు ఒక్కొక్కటిగా తెరపైకి..

ఈ చిత్రంలో విజయ్ దేవరకొండ ఓ కథా రచయితగా కనిపిస్తాడని టాక్. ఆ హీరో రాసే కథలోని పాత్రలు ఒక్కొక్కటిగా తెరపైకి వచ్చే సన్నివేశాలతో ఈ సినిమా రూపొందుతోందని సమాచారం. క్రియేటివ్ కమర్షియల్స్ బ్యానర్‌పై వల్లభ నిర్మిస్తున్న ఈ సినిమాకు గోపీసుందర్ సంగీతం అందిస్తున్నాడు. ఫిబ్రవరి 14వ తేదీన ఈ సినిమాను విడుదల కానుందని అంటునప్పటికీ దాన్ని ఏప్రిల్ నెలకు వాయిదా వేశారనేది తాజా సమాచారం.