ఫ్యాన్సీ రేట్‌కు వరల్డ్ ఫేమస్ లవర్.. విజయ్ క్రేజ్ ఏమాత్రం చెక్కు చెదరలేదు

డియర్ కామ్రేడ్‌తో దక్షిణాన..

సౌత్‌లోని అన్ని భాషల్లో డియర్ కామ్రేడ్ చిత్రాన్ని రిలీజ్ చేసి.. సౌత్ స్టార్‌గా ఎదిగే ప్రయత్నం చేశాడు విజయ్. అయితే ఈ చిత్రం ఆశించిన విజయాన్ని అందుకోలేకపోవడంతో నిరాశే మిగిలింది.
అయినా విజయ్ క్రేజ్ మార్కెట్‌లో ఏమాత్రం తగ్గలేదని తెలుస్తోంది.

నలుగురు భామలతో సందడి..

సెన్సిటివ్ డైరెక్టర్ క్రాంతి మాధవ్ దర్శకత్వంలో రాబోతోన్న ఈ చిత్రంలో విజయ్ సరసన రాశీ ఖన్నా, ఐశ్వర్యా రాజేశ్, క్యాథరిన్, ఇసబెల్లా కథానాయికలుగా నటిస్తోన్నారు. వీరందరితో నడిపే ప్రేమాయణం సరికొత్తగా ఉంటుందని, ఎంతో ఎమోషనల్‌గా సాగుతుందని తెలుస్తోంది.

ప్రేమికుల రోజున..

ఈ చిత్రాన్ని ఎప్పుడు రిలీజ్ చేద్దామా? అని ఆలోచించిన చిత్రయూనిట్.. ప్రేమికుల రోజున ప్రేక్షకుల ముందుకు తెచ్చేందుకు సిద్దమైంది. సరైన సమయం ఎదురు చూసిన కోసం చిత్రబృందం.. లవర్స్ డేన రిలీజ్ చేయడం కలిసొచ్చే అంశమని తెలుస్తోంది.

Recommended Video

#CineBox : RGV's #KRKR In Trouble? | Pawan Kalyan Voice Over For #AlaVaikunthapuramuloTeaser ?

ఫ్యాన్సీ రేట్‌కు హక్కులు..

సినిమా ఫలితాలతో సంబంధం లేకుండా.. విజయ్ దేవరకొండకు యూత్‌లో క్రేజ్ పెరుగుతోన్న సంగతి తెలిసిందే. ఈ దృష్ట్యా ఆయన చిత్రాల థియేట్రికల్ రైట్స్ కొరకు డిస్ట్రిబ్యూటర్స్ అమితమైన ఆసక్తి చూపిస్తారు. కాగా వరల్డ్ ఫేమస్ లవర్ ఆంధ్రా హక్కులను అభిషేక్ పిక్చర్స్ అధినేత అభిషేక్ నామా దక్కించుకున్నట్లు నిర్మాత ప్రకటించాడు. ఈ చిత్ర ఆంధ్ర హక్కులకు కొరకు ఫ్యాన్సీ ధర చెల్లించి ఆయన సొంతం చేసుకున్నట్లు తెలిపాడు. క్రియేటివ్ కమర్షియల్స్ పతాకంపై కె ఎస్ రామారావు సమర్పిస్తుండగా వల్లభ నిర్మిస్తున్నారు.