Don't Miss!
- Sports CSK vs MI: మలుపు తిప్పిన పతీరణ.. రోహిత్ శతకం వృథా! ముంబైపై చెన్నై ఘన విజయం!
- News ఉప ఎన్నికలకు సిద్ధంకండి: రాజయ్యతో కేసీఆర్, కీలక బాధ్యతలు
- Lifestyle అప్సరగా మారిన భారత రాయబారి దేవయాని ఖోబ్రోగాడే.. అందుకోసమే ఈ వేషధారణ..
- Finance Adani News: ఎల్ఐసీకి కలిసొచ్చిన అదానీ డబ్బులు.. రూ.61 వేల కోట్ల కంటే లాభం..
- Automobiles దేశంలో ఈ ఎలక్ట్రిక్ బైక్లకు పిచ్చ క్రేజ్.. మీరూ ఓ లుక్కేయండి
- Technology అమెజాన్ మెగా ఎలక్ట్రానిక్స్ డేస్ సేల్ లో ల్యాప్టాప్లు, ఎలక్ట్రానిక్లపై భారీ ఆఫర్లు
- Travel వేసవిలో పర్యాటకుల కోసం తెలంగాణ టెంపుల్ టూర్ ప్యాకేజీ..వివరాలివే..?!
‘విరాట పర్వం’ విడుదలపై లేటెస్ట్ అప్డేట్: అన్నింటి కంటే ముందు ఇదే రాబోతుందట
చాలా కాలంగా హిట్ లేక ఇబ్బందులు పడుతున్నాడు టాలీవుడ్ హంక్ దగ్గుబాటి రానా. ఈ నేపథ్యంలో అతడు వరుసగా సినిమాలు చేసుకుంటూ వెళ్తోన్నాడు. కానీ, ఒక్కటంటే ఒక్క సక్సెస్ను కూడా అందుకోలేకపోతున్నాడు. ఇలాంటి పరిస్థితుల్లో అతడు ప్యూర్ లవ్ స్టోరీతో 'విరాట పర్వం' అనే సినిమాను చేస్తున్నాడు. వేణు ఉడుగుల రూపొందిస్తోన్న ఈ సినిమా 90వ దశకం నాటి సున్నితమైన ప్రేమకథతో తెరకెక్కింది. షూటింగ్ ఎప్పుడో పూర్తి చేసుకున్న ఈ చిత్రం ఏప్రిల్లోనే విడుదల కావాల్సి ఉన్నా, కరోనా వల్ల ఆగిపోయింది. ఈ నేపథ్యంలో దీని గురించి ఓ న్యూస్ లీకైంది.
'విరాట పర్వం' సినిమా ఓటీటీలో విడుదల కాబోతుందని కొద్ది రోజులుగా వార్తలు వస్తున్నాయి. దీనిపై చిత్ర యూనిట్ స్పందిస్తూ.. ఆ వార్తలను కొట్టేసింది. ఇక, తాజా సమాచారం ప్రకారం.. ఈ సినిమాను లాక్డౌన్ ముగిసి.. థియేటర్లకు పర్మీషన్ వచ్చిన వెంటనే విడుదల చేస్తారట. అంటే.. దాదాపుగా జూలైలో దీన్ని ప్రేక్షకుల ముందుకు తీసుకు రావాలని ప్లాన్ చేస్తున్నట్లు ఓ న్యూస్ బయటకు వచ్చింది. దీనికి సంబంధించిన అధికారిక ప్రకటనను అతి త్వరలోనే వెల్లడించబోతున్నారని తెలుస్తోంది. ఇదే జరిగితే లాక్డౌన్ తర్వాత తొలి సినిమా అయ్యే అవకాశం ఉంది.
సున్నితమైన ప్రేమకథకు నక్సలైట్ ఉద్యమంతో ముడి పెడుతూ ఈ సినిమాను రూపొందించాడు వేణు ఉడుగుల. ఇప్పటికే విడుదలైన పోస్టర్లు, పాటలు, టీజర్లకు ప్రేక్షకుల నుంచి భారీ స్థాయిలో స్పందన వచ్చింది. ఫలితంగా ఈ చిత్రంపై అంచనాలు పెరిగిపోయాయి. ఇదిలా ఉండగా.. ఈ సినిమాను ఎస్ఎల్వీ సినిమాస్ పతాకంపై సుధాకర్ చెరుకూరి నిర్మిస్తున్నారు. నివేదా పెతురాజ్, ప్రియమణి, నందితాదాస్, నవీన్చంద్ర, జరీనా వహాబ్, ఈశ్వరీరావు, బెనర్జీ ప్రధాన పాత్రల్లో కనిపించనున్నారు. సురేష్ బొబ్బిలి స్వరాలు సమకూరుస్తున్నాడు. రానా.. రవన్నగా నటిస్తున్నాడు.