Vishwak Sen Dhamki: విశ్వక్ సేన్​ ధమ్కీ ఫస్ట్​ లుక్​ వచ్చేది ఎప్పుడంటే?

హీరోగా, డైరెక్టర్​గా..

ఎక్కడా కాంప్రమైజ్​ కాకుండా తనదైన శైలీలో దూసుకుపోతున్నాడు మాస్​ కా దాస్​ విశ్వక్ సేన్​. ఇటీవల విడుదలైన అర్జున కల్యాణం సినిమాలో 30 ఏళ్లు వచ్చి పెళ్లి కానీ అబ్బాయి పాత్ర పోషించి ఆకట్టుకున్నాడు విశ్వక్​ సేన్​. తాజాగా మరో కొత్త సినిమాతో ప్రేక్షకులను అలరించేందుకు రెడీ అయ్యాడు ఈ హీరో. ఫలక్​ నూమా దాస్ చిత్రానికి హీరోగాపాటు దర్శకత్వం వహించి సత్తా చాటిన విశ్వక్ సేన్​ మరోసారి అలాగే రిపీట్ చేయున్నాడు. మరోసారి హీరోగా, డైరెక్టర్​గా ఆకట్టుకునేందుకు ముందుకు వస్తున్నాడు విశ్వక్ సేన్. వన్మయే క్రియేషన్స్​, విశ్వక్​ సేన్ సినిమాస్​ బ్యానర్లపై కరాటే రాజు నిర్మిస్తున్న చిత్రం ధమ్కీ.

95 శాతం చిత్రీకరణ..

ఈ చిత్రానికి ప్రసన్న కుమార్ బెజవాడ కథ, మాటలు అందించగా, ఇందులో హీరోయిన్​గా నివేదా పేతురాజ్ కథానాయికగా చేస్తోంది. ఈ మూవీ యాక్షన్​ థ్రిల్లర్​గా తెరకెక్కనుంది. ఈ చిత్రం తెలుగు ప్రేక్షకులకు కొత్త అనుభూతిని కలిగించనుందని చిత్రయూనిట్​ అంటోంది. ఇప్పటికే 95 శాతం చిత్రీకరణ పూర్తయిందని సమాచారం. మిగిలి భాగాన్ని ఒక వారంలో పూర్తి చేయనున్నారట. RRRకి స్టంట్స్ కొరియోగ్రఫీ చేసిన బల్గేరియన్​ ఫైట్​ మాస్టర్స్​ టోడర్​ లాజరోవ్​, జూజితో మూవీ క్లైమాక్స్​ను ప్లాన్​ చేయనున్నారని సమాచారం. హైదారాబాద్​లోని సారథి స్టూడియోస్​లో వేసిన భారీ సెట్​లో ప్రస్తుతం షూటింగ్ జరుగుతోంది.

పాన్​ ఇండియా చిత్రంగా..

దీపావళి నుంచి ఫస్ట్​ లుక్​ పోస్టర్​ను విడుదల చేసి సినిమా ప్రమోషన్స్​ను ప్రారంభించనున్నారు దర్శకనిర్మాతలు. బింబిసార చిత్రంలో భాగమైన రామకృష్ణ మాస్టర్ యాక్షన్​ ఎపిసోడ్​కు కొరియోగ్రఫీ చేశారు. ఇందులో వెంకట్​ మాస్టర్​ స్టైలిష్​ యాక్షన్​ ఎపిసోడ్​ను పర్యవేక్షించారు. దినేష్ కే బాబు సినిమాట్రోగ్రఫీని అందించగా, లియోన్​ జేమ్స్​ సంగీతం అందిస్తున్నారు. అన్వర్​ అలీ ఎడిటర్ బాధ్యతలు చేపట్టనున్న ఈ మూవీని తెలుగు, తమిళం, కన్నడ, మలయాళం, హిందీ భాషల్లో రిలీజ్ చేయనున్నారు. ఈ మూవీలో రావు రమేష్, హైపర్​ ఆది, రోహిణి, పృథ్వీరాజ్​లు కీలక పాత్రలు పోషిస్తున్నారు.