సుమకు అదిరిపోయే పంచ్.. మా బావా రవితేజ ఎనర్జీని ఎవ్వరూ మ్యాచ్ చేయలేరు.. వివి వినాయక్ కామెంట్స్

| Published: Sunday, January 19, 2020, 20:50 [IST]

మాస్ మహారాజ్ రవితేజ పూర్తిగా మారిపోయి.. కొత్త కథను ఎంచుకుని చేసిన చిత్రం డిస్కోరాజా. ఎక్కడికి పోతావు చిన్నివాడ వంటి డిఫరెంట్ సినిమాను చేసిన వీఐ ఆనంద్ దర్శకత్వంలో చేస్తోన్న డిస్కోరాజా.. ఇప్పటికే పాటలు, టీజర్‌లతో ఎన్నో అంచనాలను పెంచేసింది. ఈ చిత్రం జనవరి 24న విడుదలయ్యేందుకు సిద్దంగా ఉండటంతో నేడు ప్రీ రిలీజ్ ఈవెంట్‌ను నిర్వహించారు.

ఆనంద్ నా మనసుకు దగ్గరైన వాడు..

ఈ ఈవెంట్‌లో వివి వినాయక్ మాట్లాడుతూ.. ‘ఆనంద్ నాకు దగ్గరైన వ్యక్తి.. ఆయన ఫస్ట్ సినిమా నుంచి తెలుసు. ఈ చిత్రానికి డిస్కోరాజా అని పర్ఫెక్ట్ టైటిల్ పెట్టాడు. రవితేజకు కరెక్ట్‌గా సరిపోయే టైటిల్. రామ్ తాళ్లూరి గారు ఈ చిత్రాన్ని ఎంతో చక్కగా తీశారు.. చాలా ఫ్యాషన్‌గా ఈ చిత్రాన్ని నిర్మించారు.

ఎనర్జీని ఎవ్వరూ మ్యాచ్ చేయలేరు..

మా బావా రవితేజ.. ఆయన ఎనర్జీని ఎవ్వరూ మ్యాచ్‌ చేయలేరు. టీజర్‌లో చాలా బాగా కనిపించాడు.. ఆ గన్ పట్టుకుని చాలా స్టైలీష్‌గా చేశాడు. ఈ చిత్రం రవితేజ్, ఆనంద్‌ కెరీర్‌లో పెద్ద హిట్ కావాలి. మా బావా రవితేజ ఇంకా రాలేదు.. సారీ నేను బయల్దేరుతున్నా'ని అన్నాడు.

సుమకు అదిరిపోయే పంచ్..

హీరో ఎవరైనా, సినిమా ఎవరిదైనా ప్రీ రిలీజ్ ఈవెంట్ అంటే సుమ ఉండాల్సిందే. అదే విషయాన్ని వివి వినాయక్ పరోక్షంగా పంచ్ వేశాడు. వేదికపైకి వచ్చిన వివి వినాయక్‌నుద్దేశించి.. శీనయ్య ఎప్పుడు వస్తుంది.. ప్రీ రిలీజ్ ఈవెంట్ ఎప్పుడు నన్ను పిలవరా? అంటూ సుమ అడిగింది. వెంటనే.. మీరు లేకుండా ప్రీ రిలీజ్ ఈవెంట్స్ జరుగుతాయా? అంటూ వినాయక్ కౌంటర్ వేశాడు.