Don't Miss!
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- News రేవంత్కు అందుకే నాపై కక్ష: కాళేశ్వరం, కవిత అరెస్టుపై కేసీఆర్ కీలక వ్యాఖ్యలు
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
వెంకీమామ పెట్టిన చిచ్చు.. తమిళ్-తెలుగు ప్రేక్షకుల మధ్య వార్.. జాతీయ స్థాయిలో చర్చ
తమిళ్ తెలుగు ప్రేక్షకుల మధ్య వార్ మొదలైంది. ఏ ఇండస్ట్రీలోనైనా ఫ్యాన్స్ వార్ సర్వసాధారణం. విజయ్-రజినీ-అజిత్ ఫ్యాన్స్ మధ్య ఎంతటి యుద్ద వాతావరణం నెలకొంటుందో అందరికీ తెలిసిందే. ఇక్కడి పరిస్థితి గురించి ప్రత్యేకంగా చెప్పనక్కర్లేదు. తాజాగా నెలకొన్న పరిస్థితులే వాటికి ఉదాహరణ. తమ హీరోవి నిజమైన వసూళ్లు.. అవతలి వారివి ఫేక్ కలెక్షన్లు అని వాదనకు దిగుతున్న విషయం మనం చూస్తునే ఉన్నాం. ఈ క్రమంలో తమిళ ప్రేక్షకులు, తెలుగు ప్రేక్షకులు రెండు గ్రూపులుగా విడిపోయి ఒకరిపై మరొకరు మాటల యుద్దానికి దిగుతున్నారు. ఆ సంగతేంటో ఓ సారి చూద్దాం.
Recommended Video
తాజాగా నారప్ప పోస్టర్స్..
తమిళ నాట సంచలనం సృష్టించిన అసురన్ చిత్రానికి రీమేక్ నారప్పను తెరకెక్కిస్తోన్న సంగతి తెలిసిందే. ఈ క్రమంలో వెంకటేష్ లుక్ను రివీల్ చేశారు. వీటితో ఈ చర్చ మొదలైనట్టు తెలుస్తోంది. తమిళంలో ధనుష్ గెటప్ను, చివరకు తలకు చుట్టుకున్న తలపాగా రంగును కూడా మార్చకుండా.. ఉన్నది ఉన్నట్లు పెట్టేశారు. అయితే నారప్ప గెటప్లో వెంకీ సహజత్వానికి చాలా దగ్గరగా ఉన్నాడు. అయితే ధనుష్ లుక్, వెంకీ లుక్ను పోల్చుతూ మొదలైన ఈ వార్.. ఎక్కడికో వెళ్లిపోయింది.
తమిళ నటులకు సరిలేరు..
అయితే తమిళ నటులను మ్యాచ్ చేసే వారెవరులేరని #UnrivalledTamilActors అంటూ ఓ హ్యాష్ ట్యాగ్ను వైరల్ చేస్తున్నారు. ఇది దేశ వ్యాప్తంగా మూడో స్థానంలో ట్రెండ్ అవుతోంది. మనవాళ్లు అక్కడి సినిమాలను రీమేక్ చేసిన విషయాలను గుర్తు చేస్తూ.. విజయ్-పవన్ కళ్యాణ్ లుక్స్, అజిత్-ప్రభాస్ గెటప్స్ను పోస్ట్ చేస్తున్నారు. మన హీరోలను కించపరిచేలా మీమ్స్ క్రియేట్ చేస్తున్నారు.
తెలుగు హీరోలే నిజమైన వాళ్లు..
వీటికి ధీటుగా మన ప్రేక్షకులు కౌంటర్ వేస్తున్నారు. విజయ్ లుక్స్, పవన్ కళ్యాణ్ లుక్స్ను పోల్చుతూ కామెంట్లు చేస్తున్నారు. విజయ్ ఫ్యామిలీ ప్యాక్, రామ్ చరణ్ సిక్స్ ప్యాక్ వంటి ఫోటోలతో మీమ్స్ క్రియేట్ చేసి కౌంటర్లు వేస్తున్నారు. అక్కడి హీరోల విగ్గులు, మన హీరోల స్టైలింగ్స్ను పోల్చుతూ కౌంటర్లు వేస్తున్నారు. ఈ మేరకు #TeluguRealHeroes అనే హ్యాష్ ట్యాగ్ను ట్రెండ్ చేస్తున్నారు.
ఫ్యాన్స్ మాత్రమే అలా..
ఈ అనవసరపు పోలికలు, మాటల యుద్దాలు కేవలం అభిమానుల వరకే ఉంటాయని, రెండు ఇండస్ట్రీల మధ్య గానీ, హీరోల మధ్య అలాంటివి ఉండవని కొందరు కామెంట్ చేస్తున్నారు. తెలుగు హీరోలు, తమిళ హీరోల గురించి గొప్పగా చెబుతారని, తమిళ హీరోలు..తెలుగు హీరోల గురించి గొప్పగా చెబుతారని మరికొందరు కామెంట్స్ చేస్తున్నారు. మొత్తానికి ఈ వార్ ఎక్కడి వరకు వెళ్లి ఆగుతుందో చూడాలి.