హోమ్

లేటేస్ట్ న్యూస్

యంగ్ హీరో నిఖిల్ ప్రస్తుతం జర్నలిస్ట్ గా అర్జున్ సురవరం చిత్రంలో నటిస్తున్న సంగతి తెలిసిందే. టి సంతోష్ దర్శత్వంలో ఈ చిత్రం తెరెక్కుతోంది. కమర్షియల్ చిత్రాల జోలికి పోకుండా విభిన్నమైన కథలు ఎంచుకుంటూ నిఖిల్ తనదైన శైలిలో దూసుకుపోతున్నాడు. నిఖిల్ కొత్తగా ట్రై చేసిన ప్రతి సారి మంచి విజయం దక్కుతోంది. దర్శకుడు ఈ చిత్రాన్ని ఉత్కంఠ భరితంగా సాగే కథనంతో రూపొందిస్తున్నాడు. ఈ చిత్రాన్ని మార్చి 29న విడుదల చేసేందుకు ముందుగా ప్లాన్ చేశారు.

విడుదల సమయం దగ్గరపడుతున్నా ఎలాంటి హడావిడి కనిపించడం లేదు. దీనితో ఈ చిత్రం వాయిదా పడే అవకాశాలు ఉన్నట్లు వార్తలు వస్తున్నాయి. ఇప్పటికే తెలుగు రాష్ట్రాల్లో ఎన్నికల వాతావరణం నెలకొంది. ఈ తరుణంలో చిత్రాన్ని రిలీజ్ చేయడం వలన వసూళ్లపై ప్రభావం చూపే అవకాశం ఉందని నిర్మాతలు భావిస్తున్నారు.ఏప్రిల్‌లో వరుసగా చిత్రాలు విడుదల కానున్నాయి.

దీనితో అర్జున్ సురవరం చిత్రాన్ని ఎప్పుడు రిలీజ్ చేస్తే బావుంటుందని నిర్మాతలు ఆలోచనలో పడ్డట్లు తెలుస్తోంది. ఈ చిత్రానికి ముందుగా ముద్ర అనే టైటిల్ ఫిక్స్ చేశారు. ఈ టైటిల్ విషయంలో ప్రముఖ నిర్మాత నట్టి కుమార్ అభ్యంతరం చెప్పారు. ఆ టైటిల్‌ని ముందుగా తాను రిజిస్టర్ చేయించుకున్నానంటూ రచ్చకెక్కడంతో అర్జున్ సురవరం అనే టైటిల్ ని ఎంపిక చేశారు. నిఖిల్ సరసన లావణ్య త్రిపాఠి హీరోయిన్‌గా నటిస్తోంది.