ప్రభాస్ సినిమాలో ఛాన్స్.. యంగ్ హీరోయిన్ కిడ్నాప్ సంచలనం.. కేసులో ఊహించని మలుపు!!

ప్రభాస్ క్రేజ్.. హీరోయిన్ ట్రాప్

దేశవ్యాప్తంగా రెబల్ స్టార్ ప్రభాస్‌కి ఎంత క్రేజ్ ఉందో తెలిసిందే. బాహుబలి సినిమాతో వరల్డ్ స్టార్ గా ఎదిగిన ఆయనతో నటించేందుకు ఏ హీరోయిన్ అయినా ముందే ఉంటుంది. అయితే ఇదే అంశాన్ని క్యాచ్ చేసుకుంటూ 'రాహు' హీరోయిన్ కృతి గార్గ్‌‌ని ట్రాప్ చేశారని కేసు నమోదైంది.

ఆచూకీ లేదు.. పోలీస్ స్టేషన్‌లో ఫిర్యాదు

ప్రభాస్ సినిమాలో ఛాన్స్ ఇస్తా.. నేను సందీప్ రెడ్డి వంగాను అంటూ ఓ వ్యక్తి ఫోన్ చేయడంతో హీరోయిన్ కృతి గార్గ్‌ ముంబై వెళ్లడం జరిగిందని, ఆ తర్వాత కొన్ని గంటలకు ఆమె ఫోన్ స్విచ్ ఆఫ్ రావడం, ఎక్కడుందో ఆచూకీ తెలియడం లేదని పేర్కొంటూ 'రాహు' మూవీ డైరెక్టర్ సుబ్బు హైదరాబాద్ పోలీసులను ఆశ్రయించాడు. దీంతో విషయం వెలుగులోకి వచ్చింది.

నయా మోసం.. కృతి గార్గ్‌ ఎంటర్

దీంతో హీరోయిన్ కృతి గార్గ్‌ మ్యాటర్ ఒక్కసారిగా జనం నోళ్ళలో నానిపోయింది. ఆమె ఎక్కడికెళ్లింది? ప్రభాస్ పేరు చెప్పి ఈ రకంగా కూడా కిడ్నాప్స్ జరుగుతున్నాయా? నయా మోసం.. అంటూ అంతా చర్చలు మొదలయ్యాయి. ఈ తరుణంలో ఊహించని విధంగా హీరోయిన్ కృతి గార్గ్‌ స్వయంగా అందరి ముందుకొచ్చింది.

హీరోయిన్ కిడ్నాప్ ఇష్యూ.. క్లారిటీ

తాను ముంబైకి ఉదయమే ఫ్లైట్‌లో చేరుకున్నానని, ఆ తర్వాత అలసిపోయి ముంబైలో ఉన్న ఇంటికి వెళ్లానని చెప్పింది కృతి గార్గ్‌. ఫోన్ ఛార్జింగ్ పెట్టడం మరిచిపోవడంతో స్విచ్చాఫ్ అయిందని పేర్కొంటూ ఓ వీడియో ద్వారా క్లారిటీ ఇచ్చేసింది. దీంతో హీరోయిన్ కిడ్నాప్ ఇష్యూకి తెరపడింది.

Recommended Video

2 Hours Love Pressmeet

కావాలనే ఈ ప్లాన్ చేశారా?

మరోవైపు కృతి గార్గ్ నటించిన రాహు సినిమా ఇటీవలే విడుదలై మంచి టాక్‌తో దూసుకుపోతుంది. దీంతో తమ సినిమాను ప్రమోట్ చేసుకునేందుకే దర్శకుడు సుబ్బు, హీరోయిన్ కృతి గార్గ్‌ కావాలనే ఈ ప్లాన్ చేశారని కామెంట్స్ చేస్తున్నారు కొందరు. ఎలాగైతేనేం కృతి గార్గ్‌ పేరు మాత్రం ఒక్కసారిగా జనం నోళ్ళలో నానిపోయింది.