Click it and Unblock the Notifications
Pushpa 2 Collections: చరిత్ర సృష్టించిన పుష్ప 2..బాహుబలి 2,జవాన్ రికార్డులు ఫట్..మూవీకి ఎన్ని కోట్లంటే?
ఐకాన్ స్టార్ అల్లు అర్జున్, సెన్సేషనల్ డైరెక్టర్ సుకుమార్ కాంబినేషన్లో వచ్చిన పుష్ప 2: ది రూల్ చిత్రం బాక్సాఫీస్ వద్ద సరికొత్త రికార్డులు తిరగరాయడమే కాకుండా భారతీయ సినిమా చరిత్రను తిరగరాస్తున్నది. మైత్రీ మూవీ మేకర్స్ బ్యానర్పై ఎర్నేని నవీన్, రవి ప్రకాశ్ నిర్మించిన ఈ సినిమా బాహుబలి రికార్డులను అధిగమించడం సంచలనంగా మారింది. రష్మిక మందన్న, ఫాహద్ ఫాజిల్, శ్రీలీల తదితరులు నటించిన ఈ సినిమా ఇండియన్ ఫిలిం ఇండస్ట్రీలో అత్యధిక కలెక్షన్లు సాధించిన చిత్రంగా ఓ రికార్డును క్రియేట్ చేసింది. ఆ వివరాల్లోకి వెళితే..
పుష్ప 2 సినిమా ఇండియన్ కలెక్షన్ల విషయానికి వస్తే.. తొలి వారం ఈ సినిమా 726 కోట్ల రూపాయలు, రెండో వారం 265 కోట్ల రూపాయలు, మూడో వారం 130 కోట్ల రూపాయలు, నాలుగో వారం 70 కోట్ల రూపాయలు వసూలు చేసింది. ఐదో వారం ఈ సినిమా 20 కోట్ల రూపాయలు రాబట్టింది. దాంతో ఈ చిత్రం ఇండియాలో 1210 కోట్ల రూపాయలు నమోదు చేసింది. ఇటీవల కాలంలో ఇదే అత్యుత్తమ బాక్సాఫీస్ రికార్డుగా ట్రేడ్ వర్గాలు పేర్కొంటున్నారు.
'ప్రభాస్ అంటే పిచ్చి.. అతడిని పెళ్లి చేసుకోవాలని ఉంది'
ఇక హిందీ సినిమా కలెక్షన్ల విషయానికి వస్తే.. ఫస్ట్ వీక్ ఈ సినిమా 434 కోట్లు, రెండో వారం 200 కోట్లు, మూడో వారం 108 కోట్లు, నాలుగో వారం 58 కోట్లు, 5వ వారం 14 కోట్ల రూపాయలు వసూలు చేసింది. దాంతో ఈ సినిమా 813 కోట్ల రూపాయలు కేవలం హిందీ వెర్షన్ కలెక్ట్ చేసింది. ఉత్తరాదిలో బాహుబలి 2, జవాన్ సినిమా వసూళ్లను అధిగమించి.. టాప్ కలెక్షన్లు సాధించిన నంబర్ వన్ చిత్రంగా రికార్డు క్రియేట్ చేసింది.
అలాగే దక్షిణాది రాష్ట్రాల్లో పుష్ప 2 ప్రభంజనం విషయానికి వస్తే.. ఈ సినిమా తెలుగులో 340 కోట్లకుపైగా రూపాయలను, తమిళనాడులో 80 కోట్ల రూపాయలు, కేరళలో 18 కోట్ల రూపాయల గ్రాస్, కర్ణాటకలో 115 కోట్ల రూపాయలు వసూలు చేసింది. ఈ సినిమా సౌత్లో సుమారుగా 550 కోట్ల రూపాయలను నమోదు చేసి ఆల్ టైమ్ ట్రేడ్ రికార్డులకు చేరువైంది.
ఇదిలా ఉండగా, ఓవర్సీస్లో ఈ సినిమా రికార్డుల మోత మోగించింది. కేవలం నార్త్ అమెరికాలోనే ఈ సినిమా 15 మిలియన్ డాలర్లు అంటే 130 కోట్ల రూపాయలు వసూలు చేసింది. ఇక ఇతర దేశాల్లో కలిపి ఈ సినిమా 25 మిలియన్ డాలర్లు అంటే 250 కోట్ల రూపాయలు వసూలు చేసిందని ట్రేడ్ వర్గాలు వెల్లడించాయి. దాంతో ఈ సినిమా 1830 కోట్ల రూపాయలను రాబట్టింది.
పుష్ప 2 సినిమా భారతీయ సినీ చరిత్రలో అత్యధిక వసూళ్లు సాధించిన చిత్రంగా కొత్త రికార్డును క్రియేట్ చేసింది. ఈ చిత్రం కేవలం 32 రోజుల్లోనే రూ.1831 కోట్ల రూపాయలు కలెక్ట్ చేసింది. ఇప్పటి వరకు బాహుబలి వసూలు చేసిన 1810 కోట్ల రూపాయలు వసూళ్లను అధిగమించింది. ఇండియాలో జవాన్, యానిమల్, స్త్రీ 2 సినిమాలు సెట్ చేసిన రికార్డులను అధఇగమించి కొత్త రికార్డును క్రియేట్ చేసింది.
Continue with Google