ఆ దర్శకులు మళ్ళీ మహేశ్‌తో సినిమా చేసే ఛాన్స్ లేదా.. ఇంకా కోపం తగ్గినట్లు లేదు?

హిట్టు పడితే..

సాధారణంగా ఎలాంటి హీరో అయినా కూడా ఇండస్ట్రీలో ఫామ్ లో ఉన్న దర్శకులతో వర్క్ చేయాలని అనుకుంటారు. ఒకప్పుడు హిట్టిచ్చినా కూడా ప్రస్తుతం ఫామ్ లో లేకపోతే అలాంటి దర్శకులకు చాలా వరకు దూరంగానే ఉంటారు. ఇక మహేష్ బాబు కూడా సక్సెస్ లో ఉన్న దర్శకుల వైపు ఎక్కువగా ఇంట్రెస్ చూపిస్తారు అనేది ఇండస్ట్రీలో మరొక టాక్ వైరల్ అవుతోంది.

సుకుమార్, పూరీలతో..

టాలీవుడ్ స్టార్ డైరెక్టర్స్ లో ఒకరైన పూరి జగన్నాథ్, సుకుమార్ ఇదివరకే మహేష్ బాబుతో వర్క్ చేశారు. పూరి జగన్నాథ్ అయితే మహేష్ బాబుకి పోకిరి, బిజినెస్ మెన్ లాంటి బాక్సాఫీస్ హిట్స్ ఇచ్చాడు. ఇక సుకుమార్ వన్ నేనొక్కడినే హిట్టు కాకపోయినప్పటికి మహేష్ కెరీర్ లో ఆ సినిమా ఒక కల్ట్ ఫిల్మ్ గా గుర్తింపు తెచ్చుకుంది.

మహేష్ తీరు నచ్చక..

అయితే ఈ ఇద్దరు దర్శకులతో మహేష్ బాబుకి విబేధాలు తలెత్తినట్లు గతంలో అనేక రకాల రూమర్స్ వచ్చాయి. నిజానికి సుకుమార్ ప్రస్తుతం మహేష్ బాబుతో సినిమా చేయాల్సింది. కానీ కథలో మార్పులు చేయాలని చెప్పి ఒకటికి పదిసార్లు ఆయనను తిప్పించుకోవడంతో వెంటనే అతను బన్నీతో సినిమా స్టార్ట్ చేశాడు. ఆ తరువాత మహర్షి ఈవెంట్ లో నా కోసం చాలా రోజులుగా ఎదురుచూసిన దర్శకుల్లో వంశీ ఒకరని ఆ చిత్ర దర్శకుడిని పొగడడంతో ఆ మాటలు సుకుమార్ మరోలా తీసుకున్నారు అనే కామెంట్స్ కూడా వచ్చాయి.

Recommended Video

Brothers Day : Naga Babu Emotional Post On Pawan Kalyan And Chiranjeevi

మళ్ళీ వర్క్ చేయాలని?

పూరి కూడా జనగనమణ స్క్రిప్ట్ విషయంలో చాలాసార్లు మహేష్ ని కలిశాడు. కానీ ఫామ్ లో లేని దర్శకుడు అని తనను పట్టించుకోలేదని పూరి ఎవరు ఊహించని స్టేట్మెంట్ ఇచ్చాడు. మరోసారి మహేష్ బాబుతో వర్క్ చేయాలని అనుకోవడం లేదని, తనకు ఒక క్యారెక్టర్ ఉందని చెప్పకనే చెప్పారు. ఇకపోతే ప్రస్తుతం మహేష్ ఈ ఇద్దరి దర్శకులను కలిసేందుకు ప్లాన్ చేస్తున్నట్లు తెలుస్తోంది. రాజమౌళి సినిమాల తరువాత తప్పకుండా ఒక సినిమా చేద్దామని ఇద్దరి దర్శకులకు ఇప్పటికే ఒక మాట చెప్పినట్లు తెలుస్తోంది. మరి ఇది ఎంతవరకు నిజమో తెలియాలి అంటే మరికొన్ని రోజులు వెయిట్ చేయాల్సిందే.