పూరీ కెరీర్‌లో ఇలా ఫస్ట్ టైమ్.. ఫైటర్ కోసం భారీ కసరత్తు

జెట్ స్పీడ్‌లో తీసే దర్శకుడు..

టాలీవుడ్‌లో తక్కువ వ్యవధిలోనే అత్యుత్తమ చిత్రాలను తెరకెక్కించగల సత్తా ఉన్న దర్శకుల్లో పూరీ జగన్నాథ్ ఒకరు. మహేష్ బాబు లాంటి హీరోతో సైతం కేవలం 70 రోజుల్లో బిజినెస్‌మేన్ వంటి బ్లాక్ బస్టర్ చిత్రాన్ని తీసి అందర్నీ ఆశ్చర్యపరిచాడు.

ఇస్మార్ట్‌తో ఫుల్ జోష్..

పూరీ జగన్నాథ్ సినిమాలు ఆడటం లేదని, ఒకే ఫార్మూలాతో వస్తున్నాయని కామెంట్లు వినిపించసాగాయి. అదే సమయంలో రామ్ హీరోగా వచ్చిన ఇస్మార్ట్ శంకర్ ఓ రేంజ్‌లో క్లిక్ అయింది. అటు పూరీ కెరీర్‌కు, ఇటు రామ్ కెరీర్‌కు ఇస్మార్ట్ బూస్ట్ ఇచ్చింది. ఈ మూవీ హిట్ కావడంతో తన తదుపరి ప్రాజెక్ట్‌ను భారీ స్థాయిలో ప్లాన్ చేశాడు.

రౌడీతో పూరీ..

ఇస్మార్ట్ లాంటి హిట్ కొట్టిన పూరీ.. రౌడీ హీరో విజయ్ దేవరకొండను లైన్లో పెట్టాడు. మార్షల్ ఆర్ట్స్‌లో ప్రత్యేక శిక్షణనింపించారు. వీటికోసం థాయ్‌లాండ్ వెళ్లి మరీ ఫైటర్‌గా మారిపోయాడు విజయ్ దేవరకొండ. తాజాగా ఈ మూవీ షూటింగ్‌ను మొదలు పెట్టిన పూరీ.. శరవేగంగా పూర్తి చేసేందుకు ప్లాన్ చేస్తున్నాడని టాక్.

ప్యాన్ ఇండియా.. కెరీర్ అలా ఫస్ట్ టైమ్

విజయ్‌తో చేయబోయే ఈ ఫైటర్ సినిమాను ప్యాన్ ఇండియా లెవెల్‌లో తెరకెక్కిస్తున్నారు. అందుకే ఈ మూవీని తన స్టైల్లో అత్యంత వేగంగా కాకుండా.. కాస్త ఆలస్యంగా తెరకెక్కించనున్నాడని సమాచారం. ఎందుకంటే ప్యాన్ ఇండియా ఫిల్మ్ కావడం, షెడ్యూల్స్ కూడా ఎక్కువగా ఉండటంతో వంద రోజులకు పైగా ఈ మూవీ షూటింగ్ జరుగుతుందని తెలుస్తోంది. ఓ సినిమా కోసం ఇంత సమయాన్ని వెచ్చించడం పూరీ కెరీర్‌లోనే ఇది ఫస్ట్ టైమ్ అని టాక్.