Don't Miss!
- News కేశినేని నాని Vs చిన్ని వార్ లో షర్మిల కొత్త ట్విస్ట్..!!
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కొత్త విద్యను నేర్చుకుంటోన్న విజయ్ దేవరకొండ: అప్పటి నుంచే రింగులో అడుగు పెడతాడట
చిన్న చిన్న పాత్రలతో సినీ కెరీర్ను ప్రారంభించాడు లోకల్ బాయ్ విజయ్ దేవరకొండ. 'పెళ్లి చూపులు' అనే సినిమాతో హీరోగా పరిచయం అయిన అతడు.. అందులో పక్కింటి అబ్బాయిలా కనిపించి మంచి మార్కులు కొట్టేశాడు. ఆ వెంటనే వచ్చిన 'అర్జున్ రెడ్డి'లో మాత్రం వైలెంట్గా దర్శనమిచ్చి యూత్ ఐకాన్గా మారిపోయాడు. అప్పటి నుంచి పలు విజయాలు అందుకుని.. కొన్ని పరాజయాలను చవి చూస్తూ ముందుకెళ్తున్నాడు. తద్వారా తక్కువ సమయంలోనే స్టార్ హీరోగానూ ఎదిగిపోయాడు. ఈ క్రమంలోనే 'లైగర్' అనే పాన్ ఇండియా సినిమా చేస్తున్నాడీ రౌడీ స్టార్.
టాలీవుడ్ డైనమిక్ డైరెక్టర్ పూరీ జగన్నాథ్ దర్శకత్వంలో విజయ్ దేవరకొండ నటిస్తోన్న చిత్రమే 'లైగర్'. బాక్సింగ్ నేపథ్యంతో సాగే ఈ సినిమా ముంబైలో షూటింగ్ జరుపుకోనుంది. ఇందుకోసం ఇప్పటికే చిత్ర యూనిట్ మొత్తం అక్కడికి వెళ్లిపోయింది. ఇక, ఈ సినిమా కోసం విజయ్ దేవరకొండ ఇంటర్నేషనల్ బాక్సర్ దగ్గర శిక్షణ తీసుకుంటున్నాడట. కేవలం బేసిక్స్ మాత్రమే కాకుండా ప్రొఫెషనల్ బాక్సర్లా కనిపించాలన్న లక్ష్యంతో తెగ కష్టపడుతున్నాడని ఓ న్యూస్ చక్కర్లు కొడుతోంది. ఈ ట్రైనింగ్ సెషన్ ఎప్పటి నుంచో జరుగుతుందని, మరో వారం రోజులు ఉంటుందని టాక్.
తెలుగు, తమిళం, మలయాళం, కన్నడం, హిందీ భాషల్లో తెరకెక్కుతోన్న 'లైగర్'ను బాలీవుడ్ ఫిల్మ్ మేకర్ కరణ్ జోహార్, హీరోయిన్ ఛార్మీలతో కలిసి పూరీ ఈ చిత్రాన్ని నిర్మిస్తున్నాడు. ఈ చిత్రంలో అనన్య పాండే హీరోయిన్గా నటిస్తోంది. ఇప్పటికే కొన్ని ముంబైలో చాలా వరకు చిత్రీకరణ జరుపుకున్న ఈ చిత్రం.. కరోనా కారణంగా ప్యాకప్ చెప్పేసింది. ఈ నేపథ్యంలో సుదీర్ఘ విరామం తర్వాత మార్చి నాలుగో వారం నుంచి చిత్రీకరణ పున: ప్రారంభం అవుతుందని తెలుస్తోంది. ఇక, ఈ సినిమాను వినాయక చవితి కానుకగా సెప్టెంబర్ 9న ప్రేక్షకుల ముందుకు తీసుకు రాబోతున్నారు.