ఈ హాలీవుడ్ బ్యూటీకి ఇండియన్స్ మీద ఇంత ప్రేమ ఎందుకంటే...

హాలీవుడ్ బ్యూటీ ఎమ్మా వాట్సన్ ఇండియన్స్ మీద ఎనలేని ప్రేమ ఒలక బోస్తూ హోళీ శుభాకాంక్షలు తెలియజేసింది. '

By Bojja Kumar

Published: Monday, March 13, 2017, 10:36 [IST]

లాస్‌ఏంజిల్స్: హాలీవుడ్ బ్యూటీ ఎమ్మా వాట్సన్ ఇండియన్స్ మీద ఎనలేని ప్రేమ ఒలక బోస్తూ హోళీ శుభాకాంక్షలు తెలియజేసింది. 'నమ్మస్తే ఇండియా... విషింగ్ యూ హ్యాపీ హోళీ' అంటూ ఓ వీడియో విడుదల చేసింది. ఈ విషెస్ వెనక అసలు కారణం... ఈ నెల 17న ఆమె నటించిన హాలీవుడ్ మూవీ 'బ్యూటీ అండ్ ది బీస్ట్' రిలీజవుతుండటమే!

డిస్నీ సంస్థ నుండి

అసలు మన ఊహకు కూడా అందరి డిఫరెంట్ కాన్సెప్టులు, విజువల్ వండర్ చిత్రాలు అంటే... హాలీవుడ్ వైపు చూడాల్సిందే. హాలీవుడ్లో ఫాంటసీ కాన్సెప్టులతో సాగే చిత్రాలకు డిస్నీ సంస్థ పెట్టింది పేరు. ఇప్పటి వరకు ఎన్నో అద్భుతమైన చిత్రాలు డిస్నీ సంస్థ నుండి వచ్చాయి. ఇదే సంస్థ నుండి ‘బ్యూటీ అండ్ ది బీస్ట్' చిత్రం వస్తోంది.

బ్యూటీ అండ్ ది బీస్ట్

డిస్నీ పిక్చర్స్‌ సంస్థ ఎమ్మా వాట్సన్‌, డాన్‌ స్టీవెన్స్‌ ప్రధాన పాత్రల్లో ‘బ్యూటీ అండ్‌ ది బీస్ట్‌' అనే ఫాంటసీ, యాక్షన్‌ చిత్రాన్ని తెరకెక్కించింది. ఇప్పటికే విడుదలైన ట్రైలర్‌ కు మంచి స్పందన వచ్చింది. సరికొత్త కాన్సెప్టుతో ఉన్న ఈచిత్రం ట్రైలర్ అందరినీ ఆకట్టుకుంటోంది.

కాన్సెప్టు ఏమిటి?

బెల్‌ (ఎమ్మా వాట్సన్‌) అనే అందమైన అమ్మాయి ఓ భయంకర జంతువుకి(డాన్‌ స్టీవెన్స్‌) చెందిన భవనంలో బంధించబడుతుంది. ఆ తర్వాత వారిద్దరికి మధ్య స్నేహం చిగురిస్తుంది. తర్వాత ఏమైంది? అనే కాన్సెప్టుతో ఈ సినిమాను తెరకెక్కించారు. 1991లో విడుదలైన యానిమేటెడ్‌ చిత్రం ‘బ్యూటీ అండ్‌ ది బీస్ట్‌' ఆధారంగా ఆస్కార్‌ అవార్డు గ్రహీత బిల్‌ కాండోన్‌ ఈ చిత్రాన్ని తెరకెక్కించారు. మార్చి 17న యూఎస్‌లో ఈ చిత్రం విడుదల కానుంది.