ప్రభాస్ నాతో టచ్‌లో లేడు.. ఆ గొడవ జరిగాక మాట్లాడడం మానేశా.. కంగనా రనౌత్!

చెలరేగుతున్నారు

ప్రభాస్ బాహుబలి చిత్రంతో అందరి దృష్టిని ఆకర్షించాడు. కంగనా రనౌత్ కూడా అనేక వివాదాల్లో చిక్కుకున్నా నటిగా చెలరేగిపోతోంది. కంగనా రనౌత్ కు బాలీవుడ్ లో భారీ డిమాండ్ నెలకొని ఉంది. కంగనా రనౌత్ మాట్లాడుతూ ఏక్ నిరంజన్ చిత్ర షూటింగ్ లో భాగంగా ప్రభాస్ తో జరిగిన గొడవని గుర్తు చేసుకుంది.

ఒక గొడవ జరిగింది

ప్రభాస్, కంగన రనౌత్ జంటగా నటించిన చిత్రాన్ని దర్శకుడు పూరి జగన్నాథ్ తెరకెక్కించారు. ఈ చిత్ర షూటింగ్ లో తాను ప్రభాస్ ఓ విషయం లో గొడవపడ్డామని కంగనా రనౌత్ తెలిపింది. ఆ గొడవ తరువాత చాలా రోజులు మేమిద్దరం మాట్లాడుకోవడం మానేసాం అని కంగనా తెలిపింది. కానీ ఏ విషయంలో గొడవ జరిగిందో మాత్రం కంగన వివరించలేదు.

టచ్‌లో లేడు

ఏక్ నిరంజన్ షూటింగ్ తరువాత ప్రభాస్ నాతో టచ్‌లో లేడు. ఆ తరువాత మళ్ళీ బాహుబలి చిత్రంతో ప్రభాస్ పేరు విన్నా. బాహుబలి సినిమా నేను చూశా. చాలా అద్భుతంగా నటించాడు. నా నటన గురించి కూడా అతడికి తెలిసే ఉంటుంది అని అనుకుంటున్నా.

వీరనారి పాత్రలో

కంగన రనౌత్ ప్రస్తుతం వీరనారి ఝాన్సీ లక్ష్మీభాయ్ పాత్రలో మణికర్ణిక చిత్రంలో నటిస్తోంది. ఈ చిత్రం జనవరిలో విడుదల కానుంది. క్వీన్ వంటి చిత్రాలలో అద్భుత నటన కనబరిచిన కంగన, మణికర్ణిక చిత్రంతో అబ్బురపరిచే పోరాట సన్నివేశలతో అదరగొడుతోంది.