Don't Miss!
- Sports RCB vs KKR: చెలరేగిన కోహ్లీ, కార్తీక్.. కేకేఆర్ ముందు భారీ లక్ష్యం!
- News జైల్లో చిప్పకూడే.: కేటీఆర్కు సీఎం రేవంత్ రెడ్డి స్ట్రాంగ్ కౌంటర్
- Automobiles గిఫ్ట్ అంటే అబ్బాయిలే ఇవ్వాలా.??.. పెళ్లిలో వరుడికి వధువు అదిరిపోయే బైక్ గిఫ్ట్.. వైరల్ వీడియో చూసేయండి
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
చిరంజీవి కోసం ఆలోచిస్తున్న నాగార్జున
నిజ జీవితంలో మంచి స్నేహితులైన చిరంజీవి, నాగార్జున తమ చిత్రాలతో ఒకేరోజున క్లాష్ అవుతున్నారనే వార్త ఇద్దరు కథానాయకుల అభిమానులకు ఆందోళన కలిగిస్తోంది. గాడ్ ఫాదర్, ది ఘోస్ట్ సినిమాలమీద ఇప్పుడు మంచి హైప్ వచ్చింది. దసరా పర్వదినాన్ని టార్గెట్ చేసుకొని విడుదలకు సిద్ధమైన ఈ రెండు సినిమాలు ఒకేసారి క్లాష్ అవుతాయేమోననే ఆందోళనలకు మరో రెండురోజుల్లో ఫుల్ స్టాప్ పడనుంది. తన మిత్రుడి కోసం నాగార్జున ది ఘోస్ట్ ను రెండురోజులు వెనక్కి జరుపుకున్నారనేవార్త ఫిలిం నగర్లో చక్కర్లు కొడుతోంది.
ఐదున కాకుండా ఏడోతేదీన విడుదలయ్యేలా చర్చలు జరుగుతున్నట్లు తెలుస్తోంది.అందరికంటే ముందుగా డేట్ను ప్రకటించింది నాగార్జున చిత్రమే. తర్వాత గాడ్ఫాదర్ ఆ తేదీని లాక్ చేసుకుంది. అలాంటప్పుడు చిరంజీవి రాజీ పడాలి అనే ప్రశ్న ఉత్పన్నమవుతోంది. అయితే కారణాలు బయటకు రాలేదుకానీ నాగార్జున చిత్ర బృందం పునరాలోచనలో పడిందని తెలుస్తోంది. ఒకవేళ ఫేస్ టు ఫేస్ అనివార్యమై ఈ రెండుచిత్రాల ఓపెనింగ్స్ మీద తీవ్ర ప్రభావం చూపే అవకాశం ఉందని సినీ విశ్లేషకులు అంచనా వేస్తున్నారు.
మరో రెండురోజుల్లో దీనికి సంబంధించిన వార్త బయటకు రాబోతోంది. అలాగే సినిమా ప్రచారానికి సంబంధించి గాడ్ ఫాదర్ టీమ్ రేపు ఆడియో సింగల్ అప్డేట్ ఇవ్వబోతోంది. చిరంజీవి, సల్మాన్ ఖాన్ కాంబినేషన్లో తీసిన పాట ఎప్పడు విడుదలవబోతోందనేది చెప్పబోతున్నారు. అయితే ఈ ఇద్దరు మిత్రులు సరదాగా ఒకసారి ఒకేరోజు తలపడి చూద్దామా అని అనుకుంటున్నారా? లేదంటే ఘోస్ట్ ను వెనక్కి జరపబోతున్నారా? అనే విషయమైయ రెండురోజుల్లో స్పష్టత రానుంది.